Wala pa ring napagkakasunduan ang mataas at mababang kapulungan ng Kongreso kung ano ang gagamiting paraan upang amyendahan ang Philippine Constitution.
Ngunit ayon sa Malacañang, kahit na prayoridad ng Duterte administration ang pagbabago sa pamahalaan ng Pilipinas mula sa unitary patungong federal form of government.
Hindi ito makikialam sa isyu sa pagitan ng Senado at Kamara at hahayaan ang mga ito na resolbahin ang usapin.
Tiwala naman ang Malakanyang na naiintindihan ng Kongreso ang pauli-ulit na sinasabi ni Pangulong Rodrigo Duterte na ayaw nitong palawigin pa ang kaniyang termino.
Nabuksan ang usapin nang ipinanukala ito ni Senate President Koko Pimentel para sa transition period ng bansa sa pederalismo.
( Rosalie Coz / UNTV Correspondent )
Tags: Kongreso, Malacañang, Saligang Batas
METRO MANILA – Niratipikahan na kagabi (December 11) ng 2 kapulungan ng Kongreso ang P5.768-T na national budget para sa susunod na taon.
Sa Senado, tanging si Senate Minority Leader Aquilino “Koko” Pimentel Junior lamang ang bumoto laban sa ratipikasyon ng 2024 General Appropriations Bill.
Naarubahan na rin sa plenaryo ng Kamara ang pambansang pondo sa pamamagitan ng simple voice vote.
Pirma na lang ni Pangulong Ferdinand Marcos Junior ang kinakailangan upang ganap itong maisabatas.
Tags: 2024 Budget, Kongreso, PBBM
METRO MANILA – Inihain sa mababang kapulungan ng Kongreso ang isang panukalang batas na layong itaas sa P750 ang arawang sahod ng mga manggagawa.
Saklaw nito ang mga empleyado sa pribadong sektor sa buong bansa kasama ang mga manggagawa sa agricultural at non-agricultural enterprises.
Nakasaad sa panukala na ito ang tugon para matapalan ang malaking puwang sa pagitan ng cost of living at kasalukuyang minimum wage na nagkalahalaga ng ₱570 sa Metro Manila.
Sa isang pahayag, sinabi ni Gabriela Womens Partylist Representative Arlene Brosas na sasapat na ang P750 na daily wage para matustusan ang mga pangangailanan ng ordinaryong pamilyang Pilipino.
METRO MANILA – Ilang panukalang batas ang hiniling ni Pangulong Bongbong Marcos Jr. na mabigyang prayoridad ng kongreso sa kanyang kauna-unahang State of the Nation Address (SONA).
Kabilang na riyan ang pagpasa ng amyenda sa Republic Act 6657 o ang Comprehensive Agrarian Reform Law.
Umaasa rin ang pangulo na sa pakikipagtulungan sa kongreso, makapagtatatag ang Pilipinas ng sariling Center for Disease Control and Prevention.
Ganoon din ang pagpapatayo ng isang vaccine institute.
Nais din ni PBBM na magtatag ng specialty health centers at clinics na dadalhin sa mga probinsya.
Hiniling din ng pangulo ang pagkakaroon ng batas para sa National Government Rightsizing Program.
Ilan pa sa hiniling ng pangulo na maipasa ng pangulo ang Budget Modernization Bill, Dept of Water Resources, National Defense Act at ang Mandatory Reserve Officers Training Corps (ROTC) at pag amyenda sa ilan pang batas gaya ng Electric Power Industry Reform Act o EPIRA law of 2001.
Umani naman ito ng iba’t ibang reaksyon mula sa mambabatas.
(Harlene Delgado | UNTV News)
