METRO MANILA – Kasunod ng mga reklamo laban sa pagpapatupad ng ilang tauhan ng barangay at kawani ng pamahalaan sa Enhanced Community Quarantine (ECQ), nagpaalala ang Malacañang sa lahat ng mga kawani ng gobyerno.
Umapela sa Presidential Spokesperson Secretary HIarry Roque sa mga tagapagpatupad ng ECQ na dapat sundin ang naayon sa batas.
Hinikayat niya rin ang lokal na pamahalaang papanagutin ang mga umaabuso dito.
Kaugnay ito ng insidente ng pananakit sa isang fish vendor ng ilang tauhan ng taga-task force disiplina at mga tanod sa barangay South Triangle sa Quezon City dahil sa paglabag umano nito sa quarantine protocol.
Ipinauubaya naman ni Secretary Roque sa lokal na pamahalaan ng Quezon City ang pag-iimbestiga sa insidente at pagpaparusa sa mga napatunayang umabuso sa kanilang otoridad.
Kaugnay din sa mga reklamo laban sa mga nagbabantay sa quarantine checkpoints, nagpaalaala ang palace office na dapat agad na pinahihintulutang makadaan ang mga nangangailangan ng atensyong medikal.
(Rosalie Coz | UNTV News)
METRO MANILA -Sa pagtindi ng init na nararamdaman ngayon, may ilang lugar na sa bansa ang nagsuspinde ng face-to-face classes sa mga paaralan.
Kaugnay nito nilinaw naman ng PAGASA na hindi sila nagbibigay ng eksaktong temperatura kung kailan maaaring magsuspinde ng klase sa isang lugar.
Ayon kay John Manalo Weather Specialist 1 ng DOST PAGASA, nasa lokal na pamahalaan o mismong paaralan ang desisyon ng pag-dedeklara ng suspensyon ng klase dahil sa matinding init na nararanasan.
Ganito rin ang pahayag ni Task Force El niño Spokesperson, Assistant Secretary Joey Villarama.
Nilinaw niya na desisyon na ng mga namumuno sa lugar ang ganitong suspension dahil mas alam nila ang actual na sitwasyon sa kanilang nasasakupan.
Dahil inaasahang hanggang buwan ng Mayo pa ang naranasang mainit na temperatura patuloy na pinag-iingat ang mga tao sa mga sakit kaugnay ng ganitong panahon.
Mahalaga ang kamalayan at mga alternatibong paraan para maibsan ang init na nararamdaman gaya ng pag-inom o pagsusuot ng proteksyon laban sa init.
Tags: Heat index, LGU, School
METRO MANILA – Napapanahon na para sa isang mambabatas ang firecracker ban sa Pilipinas.
Ayon kay Sen. Sherwin Gatchalian sa kabila ng mga direktiba kontra paputok, taon-taon na lamang ay mayroon pa ring nabibiktima nito.
Dapat din aniyang isaalang-alang ang idinudulot nitong psychological trauma at anxiety disorders pati na ang epekto sa mga alagang hayop.
Sa kanyang inihaing panukalang batas noong nakaraang taon, kailangang kumuha ng special permit mula sa PNP-Fireworks and Explosives Office para sa paggamit ng fireworks at iba pang pyrotechnic devices.
Tanging mga propesyunal lamang din aniya sa paggamit ng paputok ang maaaring magsagawa nito.
Naunang nanawagan si Department of the Interior and Local Government (DILG) Secretary Benhur Abalos na magpasa ng ordinansa ang mga Local Government Unit (LGU) na magbabawal sa paggamit ng paputok at sari-sariling fireworks display.
Naniniwala ang kalihim na kaya namang ipagdiwang ang selebrasyon kahit walang paputok at ligtas para sa lahat.
Isinusulong ng DILG ang supervised fireworks display sa common spaces sa mga komunidad gaya sa munisipyo at iba pang itinalagang lugar.
Tags: DILG, firecracker ban, LGU
METRO MANILA – Itinutulak ng Department of the Interior and Local Government (DILG) ang pagkakaroon ng isang kabuuang pagbabawal sa paggamit ng mga paputok sa buong Pilipinas.
Binigyang diin ni Secretary Benjamin ‘Benhur’ Abalos Jr. na dapat magpasa ng resolusyon ang mga Local Government Unit (LGU) para ipagbawal ang paggamit ng mga paputok sa kanilang nasasakupang lugar.
Inirerekomenda nito sa mga LGU na isaalang-alang ang paggamit ng pyrotechnic displays sa kanilang city halls bilang mas ligtas na alternatibo sa tradisyunal na paggamit ng mga paputok.
Sa isang ambush interview, inihayag ni Secretary Abalos na may ilang LGU na ang nagtakda ng kumpletong pagbabawal sa paggamit ng mga paputok at naglaan na lamang ng espesipikong lugar para sa maayos na fireworks display.
Nananawagan naman ang kalihim na na ng kaparehong ordinansa ang bawat mga bayan at lungsod sa bansa at gawing huwaran ang marami sa kanila na mayroong kaparehong proyekto.
Tags: DILG, firecrackers, LGU
