Malaking problema ngayon ng ilang tindero sa pampublikong pamilihan ang pagkaunti ng mga namimili sa mga palengke tuwing may okasyon. Ang mga nagtitinda ng karne, halos hindi nakaubos ng paninda mula pa kahapon.
May ilang mamimili naman na mas pinili nalang na sa grocery mamili upang makaiwas na makipagsiksikan sa palengke.
Sa ngayon, walang pagbabago sa presyo ng nga tindang gulay sa Nepa-Qmart sa Cubao gaya ng sibuyas, bawang, kamatis, kalamansi, patatas, pechay, talong, sitaw, kalabasa, sayote, ampalaya, bell pepper, labanos, broccoli at pipino.
Nagkaroon naman ng kaunting paggalaw sa presyo ng arrots, baguio beans. Ang buko naman na dati ay pinipilahan kapag ganitong panahon, matumal din ang bentahan.
( Macky Libradilla / UNTV Correspondent )
MANILA, Philippines – Muling nangako si Pangulong Rodrigo Duterte na magkakaroon na ng improvement sa traffic sa EDSA sa buwan ng Disyembre.
Aniya, mula Cubao patungong Makati City, magiging 5 minuto na lamang ang travel time.
Isa sa mga campaign promise ng pangulo noong May 2016 elections ang pagresolba ng trapiko sa EDSA subalit hindi granted sa senado ang emergency powers na hinihingi ng economic managers nito.
Ipinauubaya naman ni Transportation Secretary Arthur Tugade sa susunod na kongreso kung maipagkakaloob ang emergency powers na hinihiling ng punong ehekutibo.
Si Senator-elect Francis Tolentino ang inaasahang magrefile ng panukala hinggil dito.
(Rosalie Coz | Untv News)
Tags: Cubao, Makati City, traffic
Malaki na nalulugi sa karinderya ni Aling Manay Dela Fuente sa Balintawak Market dahil sa muling pagtaas ng presyo ng mga bilihin sa ilang pamilihan sa Quezon City. Hindi naman siya makapagtaas ng presyo ng kaniyang mga lutong pagkain sa takot na mawalan ng mga bibili.
Bukod sa bigas, ilang seafood at karne ang nagtaas ng sampu hanggang tatlumpung piso bawat kilo.
Sa Balintawak Market, ang bangus na dating nasa 130 piso kada kilo, ngayon ay 150 piso na. Salmon naman na dating 60 piso, ngayon ay nasa 80 piso.
Gayundin din ang tulingan na ngayon ay nasa 130 piso bawat kilo na mula sa dating 100 piso. Tumaas din ang presyo kada kilo ng tilapia, yellow fin tuna at galunggong.
Bukod sa isda, may dagdag din sa presyo ng pusit at hipon na ngayon ay nasa 320 piso na kada kilo mula sa dating 300 piso, habang ang alimasag naman ay 300 piso bawat kilo na mula sa 280 piso.
Samantala, tumaas din ng 5 hanggang 30 piso ang presyo kada kilo ng mga gulay.
Ayon sa mga tindero, pangunahing sanhi ng dagdag sa halaga ng mga bilihin ay ang mga sama ng panahong naranasan sa bansa.
Bukod sa mga lamang dagat at gulay, nagkaroon din ng pagtaas sa presyo ng karne gaya ng baboy na 200 kada kilo na mula sa 190 piso kada kilo at manok na 150 kada kilo mula sa dating 140 pesos bawat kilo.
Ayon naman kay Agriculture Secretary Manny Piñol, inaasahan naman nila na kapag bumaba na ng presyo ng bigas sa Nobyembre, susunod na rin ang presyo ng iba pang bilihin.
( Bernard Dadis / UNTV Correspondent )
Tags: Balintawak Market, palengke, Quezon City
Mabibili na ilang palengke sa Metro Manila ang inangkat na bigas ng NFA. Makalipas ang apat na buwan, mabibili na ang NFA rice tulad sa Commonwealth Market.
Nananatiling P27 at P32 ang kada kilo ng NFA rice na ayon sa NFA at mga retailer ay katumbas ito ng kalidad ng bigas na may halagang P43 at P47 kada kilo.
Nagdidiskarga pa rin ng NFA rice sa mga pantalan sa bansa na sa kabuoan ay nasa 5 milyong sako ang inangkat ng NFA mula sa Thailand at Vietnam. Nasa 1.5m na sako ang nakalaan sa National Capital Region (NCR).
Ayon kay NFA Administrator Jason Aquino, hindi na mauulit na mawalan ng stock ang nfa at agad na silang mag-aangkat kung kakailanganin.
Inaasahan naman na bababa na ang presyo ng commercial rice dahil sa pagdating ng NFA rice.
Sa ngayon ay nasa P42 pa rin ang presyo ng ordinaryong bigas.
Tags: Metro Manila, NFA, palengke
