MANILA, Philippines – Nakatakdang i-deactivate ng Grab ang 8,000 driver dahil walang hawak na Certificate of Public Convenience at Provisional Authority mula sa Land Transportation Franchising And Regulatory Board (LTFRB).
Dahil dito posibleng tumaas ang pamasahe sa Grab at maaring maging pahirapan na rin ang pagbook ng biyahe sa mga susunod na araw.
“Para mabigyan ng pagkakataon ang Grab na magpaliwanag sa isyu ng deactivation why until now they are still deactivating while infact that should have been finished earlier”. Ani LTFRB Chairman, Attorney Martin Delgra III
Kasama rin sa sasagutin ng Grab sa LTFRB ang mga reklamo hinggil sa umano’y hindi nito pagbibigay ng discount sa pasahe sa mga senior citizen, estudyante, at Persons With Disability (PWD).
Samantala, simula sa June 10 muling magbubukas ang LTFRB ng 10,000 slot para sa mga nais na mag-operate ng mga Transort Network Vehicle Service (TNVS).
Ito’y upang mapunuan ang 65,000 supply cap na nauna nang itinakda ng LTFRB para sa mga TNVS.
Para sa mga interesadong aplikante, magtungo lamang sa tanggapan ng LTFRB o maari ring bisitahin ang kanilang website sa www.ltfrb.gov.ph
(Joan Nano | Untv News)
Tags: GRAB driver, LTFRB, TNVS
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
