METRO MANILA – Inihayag ni Davao City Mayor at Presidential Daughter Sara Duterte-Carpio na kinumpirma sa kaniya ng amang si Pangulong Rodrigo Duterte ang planong pagtakbo nito bilang bise presidente at ni Senator Bong Go bilang presidente.
Sinulatan din aniya siya ng pangulo para sa 2 bagay. Una, isang sulat na nagpapaliwanag kung bakit dapat niyang i-endorso Go-Duterte tandem at ang ikalawa, kunin niya si Senator Go bilang kanyang vice president.
Suhestyon ni sara sa presidente at senador, panindigan sa publiko ang desisyong tandem. Pinayuhan din ng presidential daughter ang 2 na ihinto na ang pagsasalita tungkol sa kaniya at wag siyang gawing dahilan ng kanilang pagtakbo o di pagtakbo sa halalan.
Sa halip aniya, dapat na lang ipresenta ng mga ito ang maiaalok sa publiko at tulong na magagawa para sa mga Pilipino.
Giit din ng alkalde, hindi siya last two minutes person at di rin siya political punching bag ng isang partido..
Sinabi ni President Duterte na handa siyang magbigay-daan kung tatakbong pangulo ang anak sa susunod na taon. Kinumpirma ito ng Malacañang officials.
“Kinukumpirma ko po yan na nanggaling yan sa bibig ng presidente, to be more exact, ang sabi niya, “kung tatakbo si Mayor Sara, Bong is out, ako naman dahil sa delikadeza, hindi pwedeng dalawang Duterte ang tatakbo, so if Sara runs, then she will have to choose her own vice president.” Yan po ang mga binitawang salita kahapon ng ating presidente.” ani Presidential Spokesperson Sec. Harry Roque.
“Ang narinig ko lamang po, si Pangulong Duterte na sinabi niya po na kapag tumakbo si Mayor Inday sara sa pagkapresidente ang sinabi niya po ay hindi siya tutuloy as it stands sa kaniyang pagiisip ,as its right now ang kaniyang sinabi hindi niya gusto na magkaroon ng ganyang tandem, kung tatakbo si Mayor Inday hindi na siya tatakbo, parang isang Duterte tatakbo, ngayon si Senator Bong Go always consistent if Mayor Sara Runs hindi rin siya tatakbo sa pagkapresidente, not given statement yet kung tatakbo, sinasabi niya last na siya last siya” ani Cabinet secretary/ PDP-Laban Executive VP Sec. Karlo Nograles.
Sa kabila naman ng kontrobersya, itutuloy ng pdp laban ang planong pormal na nominasyon kay Pangulong Duterte bilang Vice Presidential Contender at Senator Bong Go bilang presidential candidate sa September 8 national convention ng partido.
(Rosalie Coz | UNTV News)
Tags: 2022 Election, Mayor Sara Duterte-Carpio, Pres. Rodrigo Duterte, Senator Bong Go
METRO MANILA – Naghain ng Petition for Mandamus sina dating Commission on Election (COMELEC) Commissioner Gus Lagman at dating DICT Secretary Eliseo Rio sa Korte Suprema kahapon (November 3).
Hiniling nila sa Supreme Court na mag-isyu ng Temporary Restraining Order (TRO) upang obligahin ang COMELEC, Smartmatic at Telco companies na Globe, Smart at DITO na huwag burahin, i-alter kundi i-preserve ang transmission logs ng election results noong May 9, 2022 national and local elections.
Nais din nilang magpaliwanang COMELEC sa anila’y mabilis na transmission ng resulta noong 2022 elections.
Samantala, ayon naman sa COMELEC, welcome development para sa kanila ang petisyon upang mabigyan sila ng pagkakataon na makasagot.
Handa rin aniya silang sumunod kung anoman ang utos o proseso ng kataas-taasang hukuman.
(Dante Amento | UNTV News)
Tags: 2022 Election, Supreme Court
Masaya si Pangulong Rodrigo Duterte nang pulungin sa huling pagkakataon ang kaniyang gabinete nitong Lunes ayon sa palasyo. Iniulat dito ang mga nagawa ng cabinet clusters sa nakalipas na anim na taon at mga maaaring mai-endorso sa susunod na administrasyon.
Nagpasalamat na rin ang Punong Ehekutibo sa mga nagawa ng kaniyang cabinet official sa nakalipas na anim na taon.
Ayon kay Acting Presidential Spokesperson at Presidential Communications Secretary Martin Andanar, masigla ang Presidente at looking forward na sa kaniyang retirement sa Davao City.
“The president was upbeat last night. He expressed gratitude to past and present cabinet officials for helping him run the country, and he looks forward to his retirement in Davao City and spending more time with family and his grandchildren,” pahayag ni Sec. Martin Andanar, Acting Presidential Spokesperson / Presidential Communications.
Ayon sa Malakanyang, hindi naman ito nangangahulugang tapos na ang trabaho ng Duterte administration.
“It’s the last cabinet meeting of the Duterte administration, ‘yung full cabinet meeting but it doesn’t mean we will stop working after that, may mga directives pa rin ang Presidente. Siyempre kung kinakailangan na magkaroon pa ng cabinet meeting in the next 30 days, gagawin naman natin ‘yun,” ani Melvin Matibag, Acting Cabinet Secretary.
Bukod sa pagpupulong, isang thanksgiving dinner din ang inihanda ng Pangulo para sa mga miyembro ng gabinete.
Naghandog din ng awit ang Pangulo para sa mga kalihim at kanilang mga kabiyak.
Ayon kay Acting Presidential Spokesperson at Presidential Communications Secretary Martin Andanar, nakaantabay lang sila kung mayroon pang Talk to the People Address na isasagawa ang Presidente sa mga susunod na linggo.
(Rosalie Coz | UNTV | News)
Tags: Davao City, Pres. Rodrigo Duterte
Aminado si presumptive Vice President Sara Duterte-Carpio na naiilang siyang pangunahan ang paghahanda para sa gagawing transition sa pagpasok ng bagong administrasyon dahil hindi pa sya ganap na naipoproklama bilang bagong bise presidente ng bansa.
Sa kanyang special hour live stream kahapon (May 16) sa kanyang facebook page, sinabi ni Mayor Inday Sara na wala siyang irerekomenda na sinomang personalidad para makasama sa bubuoing gabinete ni presumptive President Bongbong Marcos, Jr.
Sinabi nito na tiwala sya sa kung sino man ang itatalaga ni BBM, at kasama umano sa tiyak na ikokonsidera nito ay kung sino-sino ang may kakayahan na ipagpatuloy ang mga napasimulan na ng Duterte administration.
Samantala inilahad rin ni Mayor Sara na kasama sa kanyang mga plano ang pagpapatayo ng vice president satellite offices sa iba’t ibang lugar sa bansa.
Layon nito na mas mailapit pa sa mga komunidad ang tanggapan ni bise presidente kung saan maaring idulog ng ating mga kababayan ang kanilang mga pangangailangan.
Ayon sa presumptive VP, may mga nais itong gawing proyekto sa ilalim ng office of the vice president, na bukod sa mga programa na kanyang gagawin sa Department of Education.
Samantala, sinagot rin nito ang mga tumutuligsa sa pagkakatalaga sa kanya bilang susunod na kalihim ng Department of Education na iniuugnay sa usapin ng mandatory ROTC.
Diretsung sinagot ni Duterte-Carpio na walang koneksyon sa basic education ang ROTC.
“Walay koneksyon po… with regard to ROTC and Department of Education. Remind lang ko sa tanan mga bright that the Department of Education is all about basic education plus ALS it has nothing to do with ROTC,” phayag ni Mayor Sara Duterte sa kanyang FB live show.
Ayon kay duterte-carpio, hihintayin na muna nito ang proklamasyon bago niya idetalye ang mga plano niya sa Education Department.
Pero una na niyang sinabi na sangayon siya na ibalik na ng tuluyan ang face-to-face classes para normal nang makapagaral ang mga estudyante.
Janice Ingente | UNTV News
