Umaani ngayon ng papuri sa social media ang istorya ng mga bata sa South-Western China na umaakyat pa ng matatarik na bundok para lang makapasok sa paaralan.
Tuwing dalawang linggo ay umaakyat at bumababa sa 800-meter cliff na bundok ang labing limang bata mula sa Atuler Village.
Aabutin naman ang mga magaaral ng dalawat kalahating oras upang tahakin ang napakadelikadong daan papunta sa kanilang eskwelahan.
Daan daang taon ng naninirahan sa mga liblib na lugar ang mga residente ng atuler upang takasan ang mga nagdaang giyera.
Simula ng maifeature sa mga balita at pahayagan ang buhay ng mga bata, nangako ang lokal na gobyerno na magpapagawa ng bakal na hagdan sa mga daraanan ng mga ito.
(UNTV RADIO)
METRO MANILA – Obligadong magparehistro sa tanggapan ng Bureau of Internal Revenue (BIR) ang lahat ng kumikita online kabilang na rito ang mga social media influencer.
Ayon kay BIR Commissioner for legal group, atty. Marissa cabreros, kailangang ideklara nila ang kanilang kinikita sa ibat-ibang online platforms
“Basta lahat po ng ating mga nasa online ang means of kita, kumikita sila binabayaran sila sa kahit anong klase ng serbisyo na ginagawa online, lahat po ng taxpayers indibidwal at korporasyon na tumatanggap ng income incash or inkind na ginagamit ang media site or any other platform at any activity perform on those sites and platform basta kumikita sila because of it sila po ang tinutukoy natin na kailangang magrehistro, yun nga lang po ang mga famous as example are our youtubers, yung naglive streaming sa facebook instagram twitter tiktok reddits snapshot and all other platforms po.” ani BIR Deputy Commissioner for Legal Group, Atty. Marissa Cabreros.
Pero paglilinaw ng BIR, hindi kasama rito ang mga small-time earners o yung mga maliliit lamang ang kinikita sa social media platform.
“Kung yung annual net income ninyo sa buong taon is hindi naman lalagpas sa 250,000, zero percent ang tax rate niyan so walang babayarang income tax kaya yung sinasabi ng iba na maliit lang kami walang gaanong kinikita wala silang dapat ikatakot” ani BIR Deputy Commissioner for Legal Group, Atty. Marissa Cabreros.
Nagbabala naman ang ahensiya na maaaring kasuhan ng tax evasion ang mga kumikita ng malaki online tulad ng social media influencers na hindi magdedeklara ng kanilang kinikita at hindi pagbabayad ng buwis.
Ayon sa opisyal maaari din silang makasuhan sa hindi pagrerehistro ng kanilang negosyo, hindi pag-i-isyu ng resibo at tax fraud.
Posible ring makulong ng hindi bababa sa 6 na taon at pagmultahin ng hanggang P10-M ang sinomang hindi magbabayad ng tamang buwis.
Iginiit din ng BIR na ginagawa lamang nila ang kanilang mandato na habulin at papanagutin ang mga tax evaders.
(Marvin Calas | UNTV News)
Tags: BIR, social media
METRO MANILA – Pinagiingat ng Bureau of Immigration (BI) ang publiko sa mga illegal recruiter na nag- aalok ng mga trabaho sa ibang bansa gamit ang social media.
Ayon kay BI Commissioner Jaime Morente, biktima ng human trafficking at illegal recruitment ang grupo ng mga kababaihan na nagpakunwaring mga turista papuntang singapore at malaysia na naharang sa naia nitong nakarang Linggo.
Napag alaman ng BI na ni-recruit ang mga ito ng sindikato bilang mga kasangbahay o household service workers sa bansang dubai gamit ang Facebook at ilan pang social media networking sites
Paalala ni Commissioner Morente, huwag makipag ugnayan sa mga hindi lisensiyadong recruiter at humingi ng kumpirmasyon sa Philippine Overseas Employment Administration (POEA) Kung totoo ang inaalok na trabaho.
METRO MANILA, Philippines – Ambisyoso, agresibo at tech-savvy, ganyan inilarawan ng isang British Company survey firm ang mga Filipino millenials.
Sila ang mga kabataang Pilipino na ipinanganak sa pagitan ng taong 1982 hanggang bago ang taong 2000, ang henerasyon na nabuhay sa panahon ng Smartphones at Social Media.
Sa ulat, marami sa mga kabataan ang gustong maging entrepreneur o negosyante o ‘di kayay makakuha ng isang leadership position sa isang kumpanya o sa madaling salita ay gustong maging “boss.” Pinatunayan ito ng Survey na nagsasabing nakararami sa mga millenials ang gustong maging “Boss” sa kanilang sariling larangan.
Kaya bukod sa kasabihang “kung may tiyaga may nilaga” mas marami daw millenials ang nabubuhay sa pilosopiya ng “FOMO” at YOLO.” FOMO na ang ibig sabihin ay Fear Out of Missing Out at YOLO na ang ibig sabihin ay You Only Live Once. At dahil tech-savvy na rin ang mga millenials, marami ang nagiging creative at nahuhumaling sa vlogging, pagiging product endorser at social media influencer.
Ayon sa kanila, mas mabilis daw kasi kumita dito basta’t nasa sayo ang skills na kailangan, wala ring boss na susundin dahil hawak mo ang sarili mong oras. Kaya’t hindi katakataka na kahit ngayong 2019, nangunguna ang teknolohiya sa pinaka in-demand na kurso sa kolehiyo at in-demand na trabaho sa Pilipinas para sa mga kabataang Pilipino. Bagamat kailangan parin pero hindi na masyadong in-demand ang pagiging guro, pulis, at sundalo, kahit ang nursing, mas in-demand pa sa ibang bansa kaysa sa Pilipinas.
Ito ang dahilan kung bakit kulang ang Pilipinas sa tinatawag na “Qualified Human Capital.” Ang katunayan ayon sa DepEd, nangangailangan sila ngayong taon ng sampung libong mga guro habang kulang naman ng higit anim na libong mga sundalo ang Philippine Army. Kulang rin ang mga Registered Nurse sa Pilipinas dahil karamihan ng nagtapos ay nangingibang bansa, katunayan mula noong 2012 nasa halos isang daang libong nurse na ang nag trabaho abroad.
Kaya naman ang pamahalaan ay gumawa ng ibat-ibang mga hakbang upang masapatan ang pangangailangan ng bansa. Ayon sa Philippine Chamber of Commerce, marami sa mga kumpanya ang nagaalangan na tumanggap ng mga bagong graduate dahil sa paniniwalang kulang ang mga ito sa kasanayan. Nasa 20% lamang ng pitumpung mga leading company sa bansa ang nais mag-hire ng mga bagong Senior High School graduate.
Sa kabaligtaran, bagamat gusto ng mga millenials na maging mga negosyante at mga leaders, kulang ang mga ito sa kasanayan upang magawa ang gusto nila. Dito papasok ang hamon sa pamahalaan na maturuan pa ang mga kabataan ng mga skills na magagamit upang maabot ang kanilang mga pangarap. Mga skills o kasanayan na magku-qualify sa kanila na makuha ang trabaho na gusto nila kahit bagong graduate pa lamang sa eskwela.
(Mon Jocson | UNTV News)
Tags: Entrepreneur, Millenials, social media
