Bumuhos ang pakikiramay ng mga kaibigan at kapwa driver ni Gerardo “Junjie” Maquidato Jr. sa libing nito kahapon. Si Junjie ay GRAB partner-driver na binaril ng nagpanggap na pasahero noong Oct. 28 habang namamasada ito.
Ang GRAB Philippines naman ay nangakong hindi titigil hangga’t hindi nahuhuli ang salarin at naglaan na ng P100,000 para sa makapagbibigay ng impormasyon sa suspek.
Ayon sa country head ng GRAB na si Bryan Cu, magkakaroon din sila ng mas mahigpit na seguridad pa ra sa kanilang mga partner-driver ngunit hindi pa ito idinitalye.
Nilinaw naman ng Transport Network Company na hindi nila polisiya ang paghingi ng mga driver-partner nila ng I.D. mula sa mga pasahero. Maaari din aniyang tumanggi ang kanilang mga GRAB driver kung hindi ang nag-book ang pinasakay sa kanila.
Samantala, mayroon na rin ngayong option ang mga GRAB partner driver na bigyan ng rating ang kanilang mga pasahero. Maaari ring ma-block ang mga ito kung hindi maayos makipagtransaksyon sa mga driver.
( Bernard Dadis / UNTV Correspondent )
Tags: binaril, Gerardo Maquidato Jr, GRAB
Nakararanas ngayon ng kakulangan sa unit ng mga Transport Network Vehicle Services (TNVS) ang ride hailing company na Grab. Kaya naman may mga pagkakataon na nahihirapan ang mga commuter na makapag-book ng sasakyan.
Inabot ng trenta minutos sa paghihintay si Sab Marcelo, isang commuter, bago dumating ang kanyang nai-book na ride sa grab na kanyang sasakyan patungo sa Maynila.
Bukod sa matagal dumating ang sasakyan, makailang-ulit rin niyang sinubukan ang pagbu-book bago tuluyang nakakuha ng masasakyan.
Napilitan rin siya na magpa-book na lamang ng 6-seater na SUV, dahil wala nang makuhang 4-seater o sedan sa grab.
Dahil dito mas lumaki tuloy ang pamasahe na kailangang bayaran ni sab.
“Kagaya kahapon nakapagbook ako ng Grab papuntang manila from Valenzuela, to compare it it’s too expensive compare before and I’ve noticed din yung 4 seater is ang less na n’ya tapos one na nagbook ka ng pang 6 seater ‘yun mabilis and ‘yun it’s too pricey for 1 person to use a 6 seater car,” ani Sab Marcelo, nag-book sa grab.
Aminado ang grab Philippines, na mayroon talagang kakapusan ngayon sa kanilang mga unit, lalo pa ngayon na dagsa ang mga pasahero dahil sa holiday season. Kaya naman mas marami pang pasahero ang nahihirapang makapag-book ng tnvs.
Sa datos ng Grab, nasa 40% na lang ng mga TNVS ang bumalik sa kanilang platform bunsod ng epekto ng pandemya.
Nauna nang ipinanawagan ng Grab sa Land Transportation Franchising and Regulatory Board na mapabilis sana ang proseso sa pagbibigay ng provisional authority para sa mga TNVS.
“Versus pre covid only roughly 40% of cars have come back, nahirapan na rin po ang mga partner driver namin ng Covid, maraming nawalan ng kotse, at you know even our best effort for them to come back to the platforn really 4 out every 10 cars previously online are still online today,” phayag ni Ej dela Vega, Head of Mobility.
Ayon sa LTFRB, Mayo ngayong taon ay nagbukas naman sila ng 7,000 slots upang magbigay ng permit para sa mga bagong TNVS. Nguni’t nasa 2,500 lang sa mga ito ang nakapagpatuloy para iproseso ang kanilang aplikasyon at makapagpasa ng kaukulang dokumento.
Ayon kay LTFRB Executive Director Roberto Peig, ikinokonsidera na rin a ngayon ng board ang muling pagbubukas ng slots para sa pagiisue ng provisional authority sa mga TNVS.
Batay sa datos ng LTFRB noong Oktubre, mayroong nasa higit 7,000 na mga TNVS ang may permit upang tumanggap ng booking at magsakay ng mga pasahero.
Batay sa fare structure ng Grab, naniningil sila ng 45 pesos para sa base fare, 15 pesos na dagdag sa kada kilometrong byahe, dagdag na dalawang piso sa kada minuto ng byahe, at 40 pesos na stop base fare na s’yang inirereklamo ng ilang mga mananakay.
JP Nuñez | UNTV News
METRO MANILA, Philippines – Dalawa sa pitong merger interim measure na ipinapatupad ng Philippine Competition Commission (PCC) ang nalabag ng Grab at Uber. Ito ang natuklasan ng ahensya sa kanilang imbestigasyon sa merger deal ng dalawang kumpanya noong nakaraang March 25.
Dahil dito ay pagmumultahin ng PCC ang dalawang transport network company ng ₱16M. “This establishes the fact that PCC has its own jurisdiction and mandate when it comes to competition related concerns,” ani ni Commissioner Johannes Bernabe ng PCC
Sa ilalim ng Philippine Competition Act, mayroong maximum na ₱2M na multa sa bawat paglabag sa isang partikular na probisyon sa naturang batas.
Ang ₱16M na multa ay ang kabuoang multa na babayaran ng Grab at Uber dahil sa mga nagawang paglabag. ₱4M na multa sa Grab at Uber dahil sa pagpupursigi pa rin ng mga ito na ituloy ang merger kahit nag-iimbistiga pa ang PCC sa kanilang kaso. ₱8M na multa sa Grab dahil sa kabiguan nitong mapanatili ang premerger condition ng PCC. ₱4M na multa sa Uber dahil sa pagpapahintulot rin nito na hindi masunod ang premerger condition ng komisyon.
“Dahil sa pag-comply nila sa LTFRB order ay kinailangan naming i-reduce ang fines ng Uber which is why makikita natin ₱4M po ang na-impose sa Grab pero para sa Uber naman ay ₱4M lamang,” pahayag ni Stella Quimbo, commissioner ng PCC.
Ayon sa PCC kung mabibigo na makapag-comply ang Grab at Uber sa loob ng 45 araw, kailangan ng mga ito magmulta ng ₱16M araw-araw.
Ayon naman sa Grab, pag-aaralan pa nila ang mga multang ipinataw sa kanila ng PCC at sasagutin ang mga ito sa lalong madaling panahon.
April 3 nang magsagawa ng motu propio review ang PCC at April 6 nang ilabas ng PCC ang interim measure na dapat sundin ng Grab at Uber habang tinatapos ang imbestigasyon sa kaso.
(Mon Jocson / UNTV News)
Tags: GRAB, Grab-Uber merger deal, multa, Philippine Competition Act, Philippine Competition Commission, Uber
Maaari nang makapag-apply ng kanilang prangkisa ang mga bagong papasok na transport network vehicle service (TNVS) ayon sa Land Transportation Franchising and Regulatory Board (LTFRB).
Ngayong Agosto, muling magbubukas ang ahensya ng sampung libong slot ng prangkisa para sa mga nagnanais na mag-TNVS. 65,000 ang itinakdang supply cap para sa mga TNVS na papayagang bumiyahe.
Base sa hawak na masterlist ng LTFRB, 55,000 na mga TNVS ang kinakailangang ma-iproseso ang prangkisa at mangangailangan pa ng dagdag na sampung libong unit.
Bagaman wala pang itinatakdang petsa para sa deadline ng franchise application, umapela ang LTFRB sa mga TNVS na asikasuhin na ang kanilang mga prangkisa.
Ayon kay LTFRB chairman Atty. Martin Delgra III, sa 55,000 na nasa masterlist, nasa 20,000 pa lamang ang nag-aasikaso ng kanilang aplikasyon.
Samantala, inamin naman ng ilang bagong transport network company na hirap pa rin silang makipagsabayan sa Grab.
Ayon sa OWTO, lubhang nasanay na ang mga pasahero sa Grab kaya’t hirap silang ipakilala ang kanilang serbisyo.
Paliwanag naman ng Philippine Competition Commission, natural lamang na mahirapang makipagsabayan sa simula ang mga bagong TNC laban sa Grab.
( Joan Nano / UNTV Correspondent )
