Kahapon ay lumapag ang isang Slovakian aircraft sa Ninoy Aquino International Airport (NAIA). Dala nito ang mga labi ng 36 year old na OFW na Henry Acorda.
Sakay ng eroplano ang ina ni Henry at si Philippine Ambassador to Viena- Cleofe Natividad.
Sinalubong si Henry ng mga malalapit na kamaganak suot ang t-shirt na nagpapahayag ng paghingi ng hustisya.
Kabilang rin sa umasiste sina Department of Foreign Affairs Secretary Alan Peter Cayetano at mga opisyal ng OWWA at POEA.
Ayon kay Cayetano, patuloy ang kanilang pakikipag-ugnayan sa Slovakian government upang mabigyan ng hustisya ang pagkamatay ni Acorda.
Si Henry ay isang financial analyst sa Slovakia. Nasawi ito dahil sa pagtatanggol sa kasamang Filipina na hinaharass ng isang ng isang Slovak National noong ika-26 ng Mayo.
Nakadetine na ang suspek at nahaharap sa kasong manslaughter na may parusang pagkakakulong ng pito hanggang 12 taon.
Makakakuha ng financial assistance mula sa OWWA ang pamilya Acorda bukod sa ipagkakaloob na tulong ng DFA.
Sa Sabado inaasahang ililibing ang mga labi ni Acorda.
( Nel Maribojoc / UNTV Correspondent )
METRO MANILA – Muling nanawagan si Pangulong Ferdinand Marcos Junior sa mga Pilipino na suportahan ang Micro-Small and Medium-Sized Enterprises (MSMEs).
Sa kaniyang latest vlog, ibinida ni PBBM ang lutuing Pinoy na ngayon ay aniya ay kinikilala na sa iba’t ibang panig ng mundo.
Dahil dito ay maaaring magdulot ito ng mas maraming turista sa bansa.
Kaya naman bukod sa pagsuporta sa mga maliliit na negosyo, hinikayat ni PBBM ang mga Overseas Filipino Worker (OFW) na ipatikim ang mga putaheng Pinoy sa mga dayuhan.
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
METRO MANILA – Uunahing bigyan ng driver’s license cards ang Overseas Filipino Workers (OFWs) na magtatrabaho bilang driver sa ibang bansa.
Sa Laging Handa Public Briefing, sinabi ni Land Transportation Office (LTO) Officer-In-Charge Asec. Hector Villacorta na may natitira pang 53,000 mga license card batay sa pinakahuling inventory.
Posible umanong hindi tanggapin ang papel na lisensya ng ibang bansa gaya sa Saudi.
Sa ngayon ay nakatutok ang LTO sa kung paano mapapabilis ang bidding at delivery ng mga bagong license card at plaka ng mga motorsiklo kasama ang pribadong sector.
Tags: Driver's License, LTO, OFW
