Personal na iisa-isahin ni incoming Tourism Secretary Bernadette Romulo-Puyat ang mga transaksyon sa Department of Tourism (DOT).
Dapat aniyang alam ng namumuno sa ahensya ang mga detalye ng mga kontrata at dapat ay dumaan sa maayos na bidding.
Pagtutuunan din nito ng pansin ang isyu kaugnay sa kontrobersyal na P60M placement ad ng kagawaran na naging dahilan ng pagbibitiw ng dating kalihim na si Wanda Teo.
Nangako si Puyat na iingatan ang pangalan ng kanyang pamilya na mga dati na ring naglingkod sa gobyerno.
Kahit pa aniya noong kalihim ng DFA ang kanyang ama na si Alberto Romulo ay hindi nito ginagamit ang pribilehiyo gaya na lamang sa pagkuha ng passport.
Bilib naman si Puyat sa slogan ng DOT na “It’s more Fun in the Philippines” kaya’t posibleng ipagpapatuloy na lamang ito sa pag-akit ng mga turista na bumisita sa bansa.
Agad na makikipagpulong si Puyat kay Wanda Teo para sa pagpapalit ng posisyon.
( Rey Pelayo / UNTV Correspondent )
METRO MANILA – Tinapos na ng Department of Tourism (DOT) ang kontrata nito sa DDB Philippines, ang advertising agency na gumawa ng “Love the Philippines” tourism campaign video, na naging kontrobesiyal, matapos gumamit ng stock footage ng ibang mga bansa.
Sa isang pahayag sinabi ng kagawaran, na bagaman humingi na ng public apology ang DDB at inako ang buong responsibilidad sa pangyayari, itutuloy pa rin ng ahensya ang termination proceedings sa kanilang kontrata sa nasabing agency.
Posibleng gumawa rin sila ng iba pang mga hakbang sakaling magdulot ng masamang epekto sa turismo ng bansa ang isyu.
Nauna nang humingi ng paumanhin ang DDB Philippines matapos nitong aminin na may stock videos sa bagong Love the Philippines campaign video ng DOT na inilunsad lamang noong nakaraang Linggo.
Tags: DDB PHilippines, DOT
METRO MANILA – Humingi ng paumanhin ang advertising agency na DDB Philippines sa Department of Tourism at sa mga Pilipino sa ginawa nilang “Love the Philippines” campaign video para sa kagawaran.
Sa isang pahayag inamin ng ad agency na gumamit sila ng stock footage ng ibang bansa sa paggawa ng naturang video.
Bagaman standard practice anila ito sa paggawa ng anila’y ‘mood videos’, pag-amin ng DDB Philippines, hindi tama ang pag-gamit ng video ng ibang bansa para sa pagpo-promote ng turismo ng Pilipinas.
Iginiit din ng ahensiya na walang public funds na nagamit sa paggawa ng naturang video.
Ayon naman sa DOT nagsasagawa na sila ng masusing imbestigasyon sa isyu.
Giit ng DOT, ilang beses nilang kinumpirma sa DDB ang originality at ownership ng lahat ng mga ginamit na video materials sa audio visual presentaion.
Kinumpirma nitong walang public funds na ginamit sa paggawa ng avp, gayunman papanagutin pa rin ng ahensya ang ad company.
Tags: AVP, DDB PHilippines, DOT
METRO MANILA – Inihayag ni Pangulong Ferdinand Marcos Junior na kabilang sa kampanya ngayon ng Department of Tourism (DOT) ang pagpo-promote sa regional products at pagtatayo ng mga imprastraktura para sa mas maayos at mabilis na pagbibiyahe ng mga turista.
Sa isang panayam, sinabi ni Tourism Secretary Christina Frasco na para maging mas maganda ang travel experience ng mga bakasyunista o turista, kailangang i-rehabilitate ang mga paliparan ng bansa.
Nakikipag-ugnayan na aniya sila sa Department of Transportation (DOTr) upang makapagbigay ng rekomendasyon kung papaano isasaayos ang interior at operasyon ng airport.
Ang DOTr aniya ang pangunahing may hurisdiksyon sa mga airport at magbibigay lamang ang tourism department ng suhestiyon kung papaano pa mapagaganda ang pasilidad.
