METRO MANILA – Nananatili sa P500 ang matatanggap ng mga pensioner sa ilalim ng social pension for indigent senior citizens program ng Department of Social Welfare and Development (DSWD).
Ito ang paglilinaw ni DSWD Assistant Secretary Romel Lopez matapos makarating sa kanilang tanggapan ang umano’y nauusong text scam.
Batay sa mensahe, makatatanggap umano ang mga Senior Citizen ng P1,000 kada buwan o P3,000 kada 3 buwan sa kanilang social pension sa ilalim ng National Commission for Senior Citizen (NCSC).
Paalala ng DSWD sa mga Senior Citizen na makakatanggap ng mga mapanlinlang na text message, makipag-ugnayan lamang sa pinakamalapit na tanggapan ng kagawaran sa kanilang mga lugar.
Ang social pension ay ibinibigay lamang sa mga kwalipikadong senior citizen at kung kabilang sa indigent o mahirap na pamilya.
Sa ngayon ay naghinihintay pa rin ang DSWD na maaprubahan ng Kamara ang pondo para sa P1,000 na monthly pension ng mga Senior Citizen sa ilalim ng 2024 national budget.
(Harry Ilagan | UNTV News)
Tags: DSWD, NCSC, pension, senior citizen
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
