Uumpisahan na sa susunod na linggo ng Department of Trade and Industry ang pag-iimbestiga o pagsusuri ng 3rd party sa kaso ng Sudden Unintended Acceleration o SUA ng mga Mitsubishi Montero Sports.
Ayon kay Trade USec Vic Dimagiba, magkakaroon na ng bidding sa Marso para sa laboratoryo sa ibang bansa na gagawa ng pag-iimbestiga.
Magpapadala ng 5 unit ng behikulo na 2011 hanggang 2015 model.
Dadaan sa full vehicle at component test ang mga sasakyan upang mapatunayan kung tama o hindi ang umano’y Sudden Unintended Acceleration o SUA ng Montero SUV nainerereklamo ng mga may-ari nito.
Isa ang unit ni Johny Ko, na modelo noong 2011 sa mga sasakyang susuriin.
Bago pa aniya humantong sa SUA ang kanyang sasakyan ay may nararamdaman na itong kakaiba ngunit hindi matukoy sa casa ng Mitsubishi.
Gagastos ang DTI ng P9M para sa pagsusuri.
Kung mapatunayan ang mga alegasyon ay maaaring kumpiskahin ang mga behikulo, ipagbawal ang pagbebenta o i-recall ang mga units.
Sa ngayon ay mahigit sa 9,400 na ng Montero SUV nadumaan sa free checkup.
Mula 2014-2016 ay nasa 21 na ang reklamong natanggap ng DTI tungkol sa SUA, labing apat sa mga kasong ito ay na-resolba na umano.
Sa Mayo , inaasahang lalabas na ang resulta ng pagsusuri.
(Rey Pelayo/UNTV News)
Tags: Department of Trade and Industry, Mitsubishi Montero Sports
Manila, Philippines – Nagtaas ng 5-Piso kada kilo ang presyo ng asukal sa ilang pamilihan sa Quezon City.
Pero ayon sa Sugar Regulatory Administration (SRA) walang dahilan upang magtaas ang presyo ng asukal dahil sapat naman ang suplay nito sa bansa.
Ayon sa Department of Trade and Industry (DTI) dapat ay nasa 50-55 Pesos kada kilo lamang ang Suggested Retail Price (SRP) ng puting asukal. Habang nasa 40-45pesos ang brown sugar.
Pero sa Mega Qmart ibinebenta ng 60pesos kada kilo ang puting asukal, habang 48-pesos ang brown sugar.
Tumaas rin ang presyo ng asukal sa Tandang Sora Market, kung saan 58 pesos ang puti, habang 42 pesos ang brown sugar.
Ayon sa SRA, hindi dapat tumaas sa 50 pesos ang kada kilo ng puting asukal dahil nasa 29 pesos lamang ang millgate price nito.
Kapag pinatungan ng delivery cost, dapat ay papatak lamang anila sa 48 pesos ang per kilo ng asukal.
“There is absolutely no reason for prices of sugar to spike at this particular time ang mill gate prices or the farm gate prices of which our producers are selling their sugar right now has remained at the same level since maybe about two months ago” ani SRA Board Member Emilio Bernardino Yulo.
Sa ngayon ay ini-imbestigahan na ng SRA at Department of Agriculture (DA) kung may ginagawang manipulasyon ang mga trader at retailer sa presyo ng asukal kaya ito nagmahal.
Patuloy naman ang mahigpit na pagbabantay ng DTI sa umano’y pagsasamantala ng ilang negosyante.
Ayon kay DTI undersecretary for consumer protection group, Ruth Castelo pinadalhan na nila ng sulat ang mga tindahang nagbebenta ng asukal sa mas mataas na presyo.
“We issued letters of inquiry sa retail na nakikita namin na above 55 pesos na sugar tinatanong namin kung bakit syempre nagiinquire kami yung sources talaga ang gusto nating madiscover kasi probably there is truth talaga na mina-manipulate ng traders or retailers yung presyo”
pahayag ni DTI Usec. for Consumer Protection Group, Ruth Castelo .
Samantala sakaling mapatunayan na mayroong manipulasyon sa presyo ng asukal, posibleng maharap sa paglabag sa price act at economic sabotage ang mga personalidad na sangkot ayon sa DA.
(Joan Nano | Untv News)
Tags: asukal, Department of Agriculture, Department of Trade and Industry, SRA
Manila, Philippines – Aminado ang Department of Trade and Industry (DTI) na posibleng tumaas ang presyo ng gulay sa merkado dahil sa El niño.
Kaya sa pagpupulong ng iba’t ibang ahensya ng pamahalaang bahagi ng National Price Coordinating Council, paguusapan ang mga hakbang na gagawin upang i-mitigate ang epekto nito.
Ayon sa DTI, dapat matulungan ang mga magsasaka na maipagpatuloy ang kanilang produksyon sa kabila ng matinding init ng panahon.
“Gulay talaga iyong binabantayan natin because of the drought now happening in several regions in the country, so production has halted i understand. And we intend to address this through the npcc [national price coordinating council] by finding out how we can help farmers continue production or minimize at least the ill effects of el niño.” ayon kay DTI Consumer Protection Group Undersecretary Ruth Castelo
Pero ayon sa DTI, nakikipag-ugnayan sila sa pag-asa at iba pang ahensya ng pamahalaan para malaman ang posibleng maging lawak ng epekto ng El niño sa agrikultura.
(Rey Pelayo | Untv News)
Manila, Philippines – Sinita ng Department of Trade and Industry (DTI) ang ilang tindera sa Maynila dahil lagpas sa Suggested Retail Price (SRP) ang presyo ng kanilang ibinibentang asukal at karne ng manok.
120 pesos per kilo ang SRP ng manok pero ibinebenta ito sa halagang 135 hanggang 160 pesos.
Kasama rin sa pinuna ng DTI ang bentahan ng asukal sa isang kilalang supermarket.
Batay sa SRP dapat ay 50 pesos per kilo lamang ang puting asukal habang 45 pesos ang brown sugar.
Pero sa naturang supermarket, natuklasan na ibinebenta ang puting asukal ng 57 pesos kada kilo habang 49.50 ang brown sugar.
Ayon kay DTI Undersecretary for Consumer Protection Ruth Castelo, kinausap at binalaan na nila ang may-ari ng naturang mga tindahan.
“So kinausap natin sila na baka pwede na sumunod sila sa srp syempre sa umpisa pakiusap muna kapag hindi natin nakita na nagcomply sila tsaka natin sila iisyuhan ng violation” ani DTI Consumer Protection Group Usec. Ruth Castelo
Samantala wala namang naobserbahang paggalaw sa presyo ng iba pang produkto.
Nanatili pa rin sa 210 hanggang 230 pesos ang kada kilo ng karneng baboy sa naturang palengke. 70 pesos per kilo ang bentahan ng ampalaya habang 60 pesos sa talong.
Sa repolyo at pechay 50 pesos ang kada kilo, 60 pesos sa patatas at 80 sa carrots. Habang ang tilapia 100 pesos per kilo, at 140 pesos naman ang bangus at galunggong.
Sa ngayon ay wala pang nakikitang epekto ang DTI sa presyo ng bilihin sa kabila ng lumalalang epekto ng el nino sa ilang bahagi ng bansa.
Nauna nang napabalita na nabansot na ang ilang pananim at nagkakaproblema na rin sa produksyon ng itlog sa ilang probinsya dahil sa nararanasang matinding init ng panahon sa ilang lugar.
“So far wala pa tayong nakikita dahil stable pa ang presyo ng agri products, we will come up with measures kung papaano natin ia-adress yung impact ng el nino para mabawasan yung epekto sa consumers” ani DTI Consumer Protection Group Usec. Ruth Castelo
Tags: Department of Trade and Industry, suggested retail price
