Sitwasyon sa MRT North Avenue Station, matapos magkaaberya ang isa nitong tren sa pagitan ng Kamuning at Cubao station

Napilitang sumakay ng bus ang mga MRT commuter matapos magkaaberya ang isa nitong tren bandang alas-6:20 ng umaga, araw ng Huwebes.

Ipinahayag ni MRT General Manager Roman Buenafe na biglang nagpreno ang isa nitong tren na biyaheng south sa pagitan ng Kamuning at Cubao station.

Hindi kaagad maialis ang gulong ng tren mula sa pagkaka-magnet sa riles kaya napilitang pababain ang mga pasahero at naglakad papuntang Cubao station.

Limitado ngayon ang biyahe ng MRT mula Shaw Boulevard hanggang Taft Avenue station at pabalik.

Kahapon naman, araw ng Miyerkules, ay nadiskaril naman ang tren ng Philippine National Railway sa may Skyway-Magallanes.

Tags: MRT