Oras ng operasyon ng LRT-1, LRT-2, MRT-3 palalawigin simula Dec. 20 – Dec. 23

by Radyo La Verdad | December 20, 2023 (Wednesday) | 5227

METRO MANILA – Palalawigin ang operating hours ng LRT line 1 at 2, at ng MRT–3 simula ngayong December 20 hanggang sa December 23 ayon sa Department of Transportation (DOTr).

Ito’y dahil sa inaasahang pagdagsa ng mga pasahero dahil sa holiday rush.

Batay sa abiso ng DOTr, mula sa 9:30 pm last trip ng MRT sa North Avenue station, gagagawin na itong 10:30 pm.

Habang hanggang 11pm naman magpapa-pasok ng pasahero sa Taft Avenue station.

Ang LRT-1 naman mula sa 10pm na original schedule sa last trip mula sa Baclaran station ay extended hanggang 10:45pm .

Ang last trip naman sa FPJ station ay 11pm mula sa original schedule na 10:15pm .

Alas-10 naman ng gabi ang huling biyahe ng LRT-2 Antipolo station at 10:30 naman ng gabi sa Recto station.

Ang adjusted holiday operating hours sa mass transit systems ng bansa ay tugon na rin sa panawagan ni Transportation Secretary Jaime Bautista upang mas mapagsilbihan pa ang mga commuter.

Tags: , ,