Ipapatupad na sa Abril 15 ng Metropolitan Manila Development Authority (MMDA) ang implementasyon ng “no-contact apprehension policy”.
Sa ilalim ng “no-contact apprehension policy”, gagamit na lamang ng closed circuit television cameras (CCTVs) sa paghuli ng mga pasaway na motorista na siyang magsisilbing basehan at ebidensiya laban sa mahuhuling lumabag.
Mayroon nang 50 cameras ang ipinuwesto ng MMDA sa iba’t ibang lugar sa Metro Manila ngunit ito’y pauna pa lamang dahil madagdagan pa ng 100 cameras.
Lahat ng mahuhuli at makukunan ng paglabag ay kukunin na lamang ang plaka ng behikulo para maiberipika sa LTO ang nagmamay-ari nito. Kapag natunton na ay ipapadala na lamang ang summon at traffic violation receipt sa kanilang natukoy na address.
Sa paraan na ring ito ay maiiwasan na ang insidente ng kotong gayundin ang sagabal sa trapiko.
Ang impementasyon ng “no-contact apprehension policy” ay gagawin nang permanente base na rin sa inaprubahang resolusyon ng Metro Manila Council (MMC) noong nakaraang buwan.
(UNTV NEWS)
Tags: Metropolitan Manila Development Authority, No Contact Apprehension Policy
Hinikayat ng Metropolitan Manila Development Authority ang mga motorista na alamin ang mga towing rules upang hindi mabiktima ng mga mapagsamantalang towing company.
Batay sa towing procedure ng MMDA, sa loob ng limang minuto ang isang illegally park na abandonadong sasakyan na wala ang may ari ay dapat ng hatakin ng tow truck.
Ang mga sasakyan naman na iligal na naka park at nandoon ang may-ari ay titikitan lamang ng obstruction o illegal parking.
Sa mga sumbong at reklamo tumawag sa MMDA hotline number 136.
(UNTV RADIO)
Eksakto alas nueve ng umaga sa June 22, isang minutong patutunugin ang mga sirena ng bumbero at maging mga kampana ng simbahan sa buong Metro Manila bilang hudyat ng pagsisimula ng ikalawang Metrowide shake drill.
Subalit sa pagkakataong ito, kasama na sa drill ang probinsya ng Rizal, Bulacan, Cavite at Laguna dahil tatamaan rin ito ng west valley fault.
Ang drill ay pangungunahan ng mga local government unit kasama na ang mga barangay na nasasakupan ng bawat syudad at munisipalidad.
Hinikayat din ng MMDA ang iba’t ibang broadcast stations na makiisa at tulungan sila sa information dissemination upang mas maiparamdam sa lahat ang pagiging makatotohanan ng drill.
Kapag tumunog ang sirena at kampana, inaatasan ang lahat na isagawa ang duck cover and hold at mabilis na magtungo sa ligtas na lugar.
Mahalaga na maipagpalagay ng lahat na may totoong tumama ang isang malakas na lindol
Inaasahang makikiisa ang lahat kabilang na ang mga estudyante at empleyado sa mga kumpanya lalo na sa Makati at Ortigas business district.
Maging ang malalaking shopping malls ay makikiisa rin sa drill at ngayong pa lang ay inihahanda na ng mga mall operator ang sistema upang hindi ito pagmulan sa stampede.
Ngunit higit sa lahat, ang partisipasyon ng mga nasa residential area ang higit na mahalaga sa drill na ito.
Hahatiin ang Metro Manila sa apat na bahagi upang mas maging madali ang pagsasagawa ng evacuation sa mga biktima ng lindol.
Kabilang dito ang Villamor airbase sa pasay bilang south sector, Intramuros sa Maynila bilang west sector, VMMC golf course sa Quezon City bilang north sector at LRT 2 Santolan station grounds sa east sector.
(Mon Jocson / UNTV Correspondent)
Tags: Ikalawang Metrowide earthquake drill, June 22, Metropolitan Manila Development Authority
Madali nang malalaman kung mayroong traffic violation na nagawa ang isang motorista.
Sa pamamagitan ng mayhuliba.com ng MMDA, lahat ng mga paglabag sa batas trapiko ng mga motorista sa ilalim ng no-contact comprehension policy ay pwede na ma check on-line.
Kailangan lamang pumasok sa naturang website at i-type ang plate number ng sasakyan at i-click ang search.
Matapos nito ay makikita sa website kung anong klaseng violation ang nagawa, lokasyon kung saan nangyari ang paglabag kabilang na ang araw at oras.
Malalaman na rin sa website ang status ng notice of violation, kung naipadala na ba ito o hindi pa.
Kung wala naming huli ang iyong sasakyan, sasabihin ng website ang salitang wala, subalit hindi ditto nagtatapos, naglagay ang MMDA ng mga hugot lines.
Nagpaalala naman ang MMDA sa mga motoristna dapat ay regular na bisitahin ang website upang maging updated sa status ng kanilang violations.
Nilinaw rin ng MMDA na ang 7 day grace period upang i-settle ang traffic violation ticket ay magsisimula lamang sa oras na matanggap ang notice at hindi sa panahon na makita sa website ang violation.
Kung matapos ang pitong araw na hindi mabayaran ang multa ay i-aalarma ng MMDA ang pangalan ng motorista sa LTO.
Ayon kay MMDA Chairman Emerson Carlos, ginawa ang website dahil sa kahilingan ng mga motorista na malaman nila agad kung mayroon ba silang huli sa no contact apprehension policy.
Ayon kay Carlos, ang mayhuliba.com ang magpapadali sa proseso upang maberipika ng mga motorista ang kanilang nagawang traffic violation.
Sa kasalukuyan ay mayroon ng mahigit limang libong violations na ang naitala ng MMDA gamit ang no contact apprehension policy simula ng ilunsad ito noong Abril
Qala pa namang motorista ang nag reklamo hinggil sa natanggap nilang notice of violation.
Tags: mayhuliba.com, No Contact Apprehension Policy, traffic violation
