Magpapatupad ng ‘No day off, No absent policy’ ang Metropolitan Manila Development Authority sa mga traffic enforcers nito simula sa December 21 hanggang 24.
Kaugnay ito ng inaasahang mas lalo pang pagbigat sa trapiko dahil sa holiday rush.
Ayon kay MMDA General Manager Tim Orbos, na maglalagay din ng mga enforcer sa ilang choke point sa edsa gaya ng pagitan ng Timog at Ayala kung saan madalas na mabigat ang daloy ng mga sasakyan.
Binigyan rin aniya ng direktiba ang mga traffic enforcer na maaari na nilang sitahin ang mga motoristang lumalabag sa traffic rules sa kabila ng umiiral na no-apprehension policy.
Ngunit hindi dapat aniya ito makaabala sa trapiko.
Tags: ipatutupad sa Dec. 21-24, MMDA traffic enforcers, No absent’ policy, No day off
Nakatanggap ng 20 bagong unit ng body cameras ang Metropolitan Manila Development Authority kahapon mula sa donasyon ng pribadong kumpanya.
Ayon kay MMDA Chairman Danilo Lim, malaking tulong ang mga ito sa kanilang mga tauhan upang mai-record ang iba’t-ibang insidente at traffic violations ng mga motorista na kanilang nahuhuli araw-araw.
Paliwanag ng MMDA, ang lahat ng makukunang video ay magsisilbing ebidensiya, sakaling magkaroon ng reklamo ng pang-aabuso, pagmamalupit o pagsasamantala laban sa kanilang mga enforcer.
Sampung taon nang nagta-trabaho bilang traffic enforcer sa MMDA si Mang Roland Ojano, sa araw-araw ng kaniyang pagmamando ng trapiko, aminado ito na marami na siyang naka-engkwentro na mga pasaway na motorista.
Ngayong araw, sinimulan nang gamitin ng mga traffic enforcer ang 20 body camera sa pagmomonitor nila ng traffic sa kahabaan ng Edsa. Ang ipinamahaging body cameras ay nagkakahalaga ng halos sampung libong piso ang kada unit.
Mayroon itong 32 gig micro sd memory card, at tumatagal ang baterya ng hanggang 8 oras. Sakaling maubusan ng baterya, maari rin itong i-charge gamit ang powerbank.
Bukod sa natanggap na donasyon, plano rin ng MMDA na bumili ng karagdagang mga bodycam sa susunod na taon.
Mahigpit namang ipinag-utos ni Chairman Danny Lim sa mga traffic enforcer ang palagiang pagsusuot ng body camera sa buong oras na sila ay nakaduty.
( Joan Nano / UNTV Correspondent )
Tags: body camera, MMDA traffic enforcers, pasaway na motorista
Nilagdaan na kanina ng Metropolitan Manila Development Authority at ng Techinical Education and Skills Development Authority ang isang Memorandum of Agreement na magbibigay ng libreng skills at livelihood training sa asawa at mga anak ng MMDA traffic enforcers.
Magkakaloob ang TESDA ng limang libong slot ng scholarship sa asawa at mga anak ng bawat traffic enforcer.
Layon nito na mabigyan ng maayos na trabaho at sapat na kita ang pamilya ng mga ito, upang maiwasan na ang sari-saring isyu ng korupsyon sa kinasasangkutan ng ilang traffic enforcers, tulad ng pangongotong sa mga motorista.
Bukod sa mga traffic enforcer, kasama rin sa mga binigyan ng libreng skills training ang ilang staff ng MMDA.
Ilan sa mga ito sina Aling Concepcion at Aling Rowela, ayon sa kanila magagamit nila ito upang magkaroon ng sideline at karagdagang kaalaman sa pagta-trabaho.
Ayon sa MMDA sa ngayon ay umaabot lamang ng eleven thousand pesos kada buwan ang sweldo ng isang traffic enforcer,
Kaya naman malaking tulong anila ang programang ito upang mabigyan ng karagdagang mapagkakakitaan ang mga empleyado ng mmda.
Ilan sa mga kurso na iniaalok ng TESDA sa MMDA ang food and beverage, house keeping, hotel and restaurant management at iba pa.
Kanina iprisinisinta na sa media ang unang batch ng mga nabigyan ng libreng seminar, na binubuo ng dalawamput-limang staff ng tauhan ng mmda.
Umaasa ang ahensya na sa pamamagitan ng programang ito, ay maiiwasan na ang mga insidente ng pangongotong, na bahagi rin ng kampanya ng pamahalaan upang mawakasan ang isyu ng korupsyon sa hanay ng mga nasa gobyerno.
(Joan Nano / UNTV Correspondent)
Tags: 5-libong libreng skills at livelihood training, asawa at mga anak, MMDA traffic enforcers, TESDA
