Naging abala nitong nakaraang linggo si Vice President Leni Robredo sa pakikipagpulong at pagbisita sa mga relocation sites at mga nakatira sa liblib na barangay.
Dito nakita ng bise presidente ang kahalagahan ng pagkakaroon ng maayos na relocation sites para sa mga informal settler na dine-demolish ang mga bahay.
Bukod sa maayos na tirahan, kinakailangan din nila ng mapagkakakitaan
Base sa pagaaral ng Housing and Urban Development Coordinating Council, ang metro manila ay pinakamaraming bilang ng illegal settlers dahil dito sila nakakahanap ng trabaho para sa kanilang pamilya.
Kaya naman isa sa mga opsiyon na kanilang pinag-aaralan ay ang pagtatayo ng mga mid to high rise housing project.
Ngunit dahil coordinating body lamang ang HUDCC at walang sariling pondo para sa pagtatayo ng mga pabahay, makikipag-ugnayan sila sa iba pang ahensya upang matulungan silang maisakatuparan ang proyektong ito.
Sa susunod na linggo ay magsisimula narin ang HUDCC na makipagpulong sa mga developer na gagawa ng kanilang mga pabahay na ipatatayo sa mga susunod na taon.
(Grace Casin / UNTV Correspondent)
Tags: On-site relocation sa mga dini-demolish, Vice President Leni Robredo
METRO MANILA – Tinuligsa ni Presidential Spokesperson and Chief Presidential Legal Counsel Salvador Panelo si Vice President Leni Robredo sa ginawa nitong paglalabas ng ulat hinggil sa kaniyang pagiging Anti-Drug Czar.
Kung sa tingin ng Bise Presidente ay palpak ang anti-drug war ng Administrasyong Duterte, tinawag namang “failure” ng palace official ang pagiging co-chairperson ng Inter-Agency Committee On Anti-Illegal Drugs (ICAD) nito.
18 araw lang naging Icad Co-Chair si VP Robredo bago tanggalin sa pwesto ni Pangulong Rodrigo Duterte.
“Palagay ko ang failure, yung pag-upo niya”ani Presidential Spokesperson & Chief Presidential Legal Counsel Sec. Salvador Panelo
Hinggil naman sa mga inilabas na figures ng Pangalawang Pangulo kaugnay ng anti-drug war, sinabi ng palace official na mali ito at ang makakakumpirma ay ang mga mismong Anti-Drug Law Enforcement Agencies.
Di tulad ni VP Robredo na wala aniyang figures na pinanghahawakan, si Pangulong Duterte ay may unlimited resources ng impormasyon. Dagdag pa ng Tagapagsalita ng Presidente, nais lang maging relevant ng Bise Presidente at wala naman itong sinabing bago sa publiko.
“I think she just wants to be relevant it’s a dud, wala naman siyang sinabing bago na hindi tinututukan ng mga ahensya na involved sa laban droga there’s nothing new in what she said.” ani Presidential Spokesperson & Chief Presidential Legal Counsel Sec. Salvador Panelo.
Samantala, dumepensa rin ang Philippine Drug Enforcement Agency (PDEA) sa mga payahag ni VP Robredo laban sa war against drugs ng Duterte administration.
Sa isang pahayag, sinabi ni PDEA Chief Director General Aaron Aquino na ipinagwalang bahala at di pinansin ng Punong Ehekutibo ang ginawang efforts ng gobyerno upang resolbahin ang suliranin sa iligal na droga sa nakalipas na 3 taon.
Kinwestyon din ng PDEA Chief ang sinabi ng Pangalawang Pangulo na palpak ang drug war gayung iba ang ipinapakita aniya na mga numero.
(Rosalie Coz | UNTV News)
METRO MANILA – Binalewala lamang o isinantabi ng malacañang ang babala ni Vice President Leni Robredo na isisiwalat ang mga nadiskubre sa anti-drug war ng pamahalaan matapos alisin ni Pangulong Rodrigo Duterte sa pwesto bilang Co-Chairperson Ng Interagency Committee On Anti-Illegal Drugs (ICAD).
“Sa mga susunod na araw, magbibigay ako ng ulat sa bayan. Sasabihin ko ang aking natuklasan at ang aking mga rekomendasyon. Kung sa tingin nila matatapos ito dito, hindi nila ako kilala. Nagsisimula pa lamang ako.“ Kung pareho naman ang ating layunin, bakit hindi na lang tayo magtulungan? Hindi ba talaga sila seryoso sa laban? O may interes ba tayong nabangga? Ano ba ang kinatatakutan ninyong malaman ko? Ano ba ang kinatatakutan ninyong malaman ng taumbayan?” ani Vice President Leni Robredo.
Ayon kay Panelo, lahat naman aniya ng sinasabing natuklasan nito sa anti-drug war ay ang na-access niya. Binigyang-diin din ng opisyal na ang kaniyang dismissal ay bunga ng kaniyang incompetence at pagpalyang gumawa ng bagong istratehiya sa paglaban sa operasyon ng iligal na droga. Dagdag pa ni Panelo, tinimbang aniya ang Pangalawang Pangulo ngunit nasumpungang kulang ito.
(Rosalie Coz | UNTV News)
Tags: Anti-drug war, Malacañang, Vice President Leni Robredo
Nais lamang umano ni Pangulong Rodrigo Duterte na paalisin na si Vice President Leni Robredo bilang co-chair ng Inter-Agency Committee on Anti-Illegal Drugs (ICAD) kasunod ng pahayag nito na hindi siya nagtitiwala kay VP Robredo.
Ayon kay Senator Panfilo Lacson, nais lamang ng Pangulo na kusa itong magbitiw sa pwesto.
Ayon pa kay Lacson, kung ang Pangulo na Commander in Chief ng Sandatahang Lakas ang nagsabing wala siyang tiwala kay Robredo, ano pa ba ang aasahan ng Pangalawang Pangulo sa dalawampung ahensiya na miyembro ng ICAD.
(Nel Maribojoc)
Tags: Pang. Duterte, Sen. Ping Lacson, Vice President Leni Robredo
