Mananatili pa ring bukas ang lahat ng mga pampublikong transportasyon sa NCR plus habang nasa ilalim ito ng ECQ simula ngayong araw hanggang sa linggo. Ngunit lilimitahan ang kapasidad ng public transport upang mabawasan ang paggalaw ng mga tao.
Ang pinahihintulutan lang makabyahe papasok at sa loob ng NCR plus ay ang mga Authorized Persons Outside of their Residence (APOR ) at may mga essential o mahalagang dahilan ng pagbyahe.
Para sa mga papauwi ng bansa, limitado pa rin hanggang 1,500 na pasahero kada araw ang international inbound passenger capacity sa NAIA.
Habang papayagan pa rin ang operasyon ng domestic commercial flights ngunit batay ito sa mga restriction na ipinatutupad ng mga LGU sa labas ng greater Manila.
Binabaan naman sa fifty percent ang kapasidad sa mga pampublikong transportasyong pangdagat gaya ng mga passenger vessel.
Mas nilimitahan din sa 20 hanggang 30 percent ang passenger capacity ng lahat ng mga rail line kabilang na ang LRT-1 at 2, MRT line 3 at Philippine National Railways.
Balik din sa 50 percent ang kapasidad ng mga public utility vehicle kabilang na ang mga pampublikong bus, jeep, UV express at shuttle service.
Mahigpit na ipinatutupad ang one-seat apart rule kahit pa may plastic barrier sa loob ng sasakyan.
Papayagan din ang operasyon ng mga provincial bus ngunit dapat ay point-to-point ang byahe.
Ang TNVS at taxi ay dapat may dalawang pasahero lang kada hilera habang isang pasahero lang sa tabi ng driver.
Isang pasahero na lang ulit ang papayagan sa mga tricycle at hindi papayagan ang sinomang nakaupo sa tabi o likod ng driver.
Pati ang mga motorcycle taxi o pribadong motorcycle rider na may sakay na APOR ay pahihintulutang bumyahe gamit ang barrier sa pagitan ng driver at pasahero.
Sa kabila nito, hinihikayat naman ang publiko sa paggamit ng bisikleta at iba pang personal mobility device sa pagbyahe lalo na kung malapit lang ang destinasyon.
Asher Cadapan, Jr. | UNTV News
Tags: Cavite, ECQ, Ehanced Community Quarantine, Laguna, manila, Metro Manila, Rizal
METRO MANILA – Inihayag ni Pangulong Ferdinand Marcos Junior na mananatili sa P1,000 ang babayarang multa para sa illegal parking ng mga mahuhuling motorista.
Ipinatigil na muna ni PBBM ang probisyon ng joint traffic circular ng Metro Manila Council na itaas ang multa para sa illegal parking mula P1,000 hanggang P4,000.
Naniniwala naman ang pangulo na madadaan pa sa disiplina ang mga motorista at magkakaroon ng pangmatagalang solusyon sa kinakaharap na problema sa trapiko sa Pilipinas lalo na sa Metro Manila.
Tags: illegal parking, Metro Manila, traffic
METRO MANILA – Inaasahan ang pagtataas sa sahod ng mga kasambahay sa Metro Manila at mga minimum wage earner sa Caraga region matapos aprubahan ng kani-kanilang wage boards ang wage increase.
Sa isang pahayag, inanunsyo ng Department of Labor and Employment (DOLE) na kinumpirma ng National Wages and Productivity Commission (NWPC) ang wage order na isinumite ng Regional Tripartite Wages and Productivity Board (RTWPB) sa Caraga at NCR noong December 13, 2023.
Sa inilabas na Moto Propio Wage Order ng Caraga RTWPB, noong December 5, madaragdagan ang daily minimum wage ng P20 sa lahat ng sector mula January 1, 2024.
Habang magkakaroon pa ng additional P15 sa second tranche sa May 1, 2024.
Samantala naglabas din ng Moto Propio ang RTWPB ng NCR noong Decembr 12, kung saan nakasaad na madadagdagan ng P500 ang buwanang sahod ng mga kasambahay sa Metro Manila.
Dagdag pa ng DOLE, na ang wage orders ng RTWPB ng Caraga ay inilathala nitong December 16 at magiging epektibo 15 days mula sa publication nito
Habang ngayong December 18, 2023 naman ilalathala ang wage order para sa mga kasambahay sa NCR.
Tags: CARAGA Region, Metro Manila, minimum wage
METRO MANILA – Nasa 48 cubic meters per second ang unang inilabas na alokasyon ng National Water Resources Board (NWRB) ngunit humiling ang Metropolitan Waterworks and Sewerage System (MWSS) na pataasin bunsod ng nararanasang tag-init
Hindi na magkakaroon ng kabawasan sa alokasyon ng tubig sa Metro Manila at karatig lalawigan nito matapos ilabas ng National Water Resources Board (NWRB) ang pinal na desisyon nito dahil sa hiling ng MWSS na itaas sa 50 cubic meters per second ang pag-release ng tubig.
Nauna nang inaprubahan ng NWRB ang 48 cubic meter per second sa buwan ng Abril ngunit binago nito ang desisyon epektibo bukas (April 4) hanggang April 15.
Ayon kay NWRB Executive Director Dr. Sevillo David Junior, ito rin ay upang ma-address ang sunod-sunod na water service interruptions na nararanasan sa Metro Manila at kalapit probinsya.
Tags: Metro Manila, MWSS, NWRB
