Hindi pa gaanong nakaka-recover sa malakas na bagyo ng nakaraang lingo na nagdulot ng mga pagbaha sa Pacific Northwest.
Nahaharap na naman ang mga mamayan ng Portland, Oregon sa isa na namang mga pag-ulan.
Pinangangambahan na ang panibagong pag-ulan na ito at magdulot na naman ng mga pagbaha.
Ayon sa local forecaster, in-effect na ang flood watch simula bukas ng gabi.
Maaring makaranas ang mga coastal areas ng seven inches na ulan ang Oregon.
MANILA, Philippines – Umaabot sa 19-20 bagyo ang pumapasok sa Philippine Area of Responsibility (PAR) kada taon kung saan 8-9 sa mga ito ay tumatama sa bansa.
Sa nakuhang datos ni Dr. Gerry Bagtasa ng Up Institute of Environmental Science and Meteorology, sa nakalipas na 50 taon ay napansin niyang nagbabago ang direksyon ng mga bagyo pa hilaga partikular sa Taiwan.
Sa mga nagdaan aniyang dekada lalo na mula noong taong 2000 ay dumadaan pa nga sa Mindanao ang mga bagyo gaya ni Pablo na nanalasa sa bansa noong 2012 at Sendong noong 2011.
Pero kahit palihis na sa pilipinas ang direksyon ng mga bagyo, mas marami naman ang naitatalang ulan sa bansa.
Nadagdagan aniya ng nasa 30% ang ulan dahil sa habagat na pinalalakas ng bagyo at 10-15% naman ang dagdag ng ulan dahil sa mga bagyong tumatama o direktang nakakaapekto sa bansa.
Noong 1960 aniya ay nasa 18 araw lamang sa isang taon nakararanas ang Pilipinas ng malakas na habagat subalit ngayon ay umaabot na sa 26 na araw o halos 1 buwan.
“Yung bagyo kasi pag nasa tabi siya ng taiwan yun yung humihila ng habagat. Ngayon mas marami yung bagyong pumupunta roon” ani Up Institute of Environmental Science and Meteorology Dr. Gerry Bagtasa.
Ayon kay Dr. Bagtasa, mula taong 2022 hanggang 2050 naman ay posibleng tumaas pa ang direksyon ng bagyo at mas madalas namang tatama sa Japan. Ang epekto naman nito ay posibleng mabawasan ang ulan sa Pilipinas kung saan malaking porsiyento ay nanggagaling ang imbak na tubig ng mga dam.
“Imagine natin kung nawala itong bagyong to, kalahati ng tubig natin mawawala, kalahati ng fresh water” ani Up Institute of Environmental Science and Meteorology Dr. Gerry Bagtasa.
Samantala ang pagbabago ng direksyon ng mga bagyo ay iniuugnay sa pagbabago ng klima.
“Maaaring manifestation ito ng climate change. Kasi sa nakikita ng ibang mga pagaaral sa paginit ng karagatan dito sa may indonesia, pag umiinit yung dagat doon yung mga bagyo medyo umaakyat papuntang taiwan” ani Up Institute of Environmental Science and Meteorology Dr. Gerry Bagtasa.
(Rey Pelayo | Untv News)
Tags: bagyo, PAGASA-DOST, scientist, ulan
Nagsimula na ring maramdaman sa probinsya ng Catanduanes ang bagsik ng Bagyong Ompong.
Sa ngayon ay nararanasan na sa lalawigan ang malakas na buhos ng ulan, at malakas na ihip ng hangin.
Suspendido na ang klase at sa lahat ng antas sa buong Catanduanes; gayundin ang pasok sa trabaho na mga nasa pampublikong tanggapan.
Halos wala na ring mga sasakyan na bumibiyahe sa mga kalsada dahil sa lakas ng buhos ng ulan at ihip ng hangin sa buong lalawigan.
Tags: Bagyong Ompong, Catanduanes, ulan
Dahil sa sunod-sunod na mga pag-ulan, tumaas ang presyo ng gulay galing sa La Trinidad Benguet.
Bukod sa hirap sa pagbiyahe patungong trading post ang mga magsasaka, maraming gulay rin gaya ng wombok repolyo ang nabulok bunsod ng pagkakababad sa tubig.
Sampu hanggang dalawampung piso ang nadagdag sa presyo ng ilan nilang produkto gaya ng repolyo na dating mabibili sa 15-17 piso kada kilo ngunit ngayon ay nasa 35-37 piso na.
Ang patatas na dating 18-20 piso ngayon ay 25-28 piso, habang ang wombok na dating 15-17 piso ngayon, nasa 33-35 piso.
Ang bell pepper naman na nabibili dati sa halagang 80-100 piso kada kilo ngayon ay 130-150 pesos na. Halos kalahati naman ang nadagdag sa presyo ng carrots na dating 40-50 ngayon 100-110 piso na.
Dahil kakaunti ang bumibili ng brocolli at cauliflower, bumaba naman ang presyo nito
Ayon kay Sonny Candelaria na regular buyer sa trading post, halos kalahati lang daw ang buyers mula sa Maynila ang umakyat ng Benguet upang bumili ng gulay.
Si Chris na dating bumibili ng apat hanggang limang tonelada ng gulay para ibenta sa Bataan, nabawasan na raw dahil sa taas ng presyo.
Sa ngayon hindi pa rin madaanan ang Kennon Road na isa sa daan mula Baguio to Manila. Sarado rin ang Abra-Cervantes Road, Abra-Ilocos Norte Road, Acop-Kapangan-Kibungan-Bakun Road, Kiangan-Tinoc-Buguias Road, Kalinga-Cagayan Dumanay Section, at Mt. Province – Ilocos Sur via Kayan Road.
( Grace Doctolero / UNTV Correspondent )
