METRO MANILA – Igniit ng Land Transportation Franchising and Regulatory Board (LTFRB) na dapat na nakaupo ang lahat ng mga pasahero sa mga bus at jeep kahit pa pinapayagan na ang full operational capacity sa mga pampublikong sasakyan sa Metro Manila.
Paalala ng mga otoridad sa mga PUV, hindi pa nawawala ang banta ng COVID-19 kaya’t dapat pa ring maging maingat ang mga pasahero at mahalaga pa rin na palaging masunod ang pagsusuot ng face mask at regular na disinfection sa mga pampublikong sasakyan.
Handa namang sumunod dito ang ilang mga driver at pasahero.
Sa darating na Biyernes (March 4) muling magiinspeksyon ang mga traffic law enforcer para makita kung nasusunod pa rin ang mga health protocols sa public transportation kahit pa nasa Alert Level 1 na lamang ang NCR.
Ayon sa LTFRB ang sinomang mahuhuling lalabag ay posibleng ipatawag at pagmultahin ng halagang hindi bababa sa P5,000.
Gayunman iginiit ng ahensya na ayaw na nilang humantong sa penalty ang ganitong mga violation at nakiusap sa mga driver na sumunod sa polisiya ng gobyerno.
Samantala, kung ipinagbabawal ang tayuan sa mga bus at pagsabit sa mga jeep, iba naman ang sitwasyon sa mga tren, gaya na lamang sa LRT-1, dahil pinayagan na ang 100% capacity, hindi na susundin ang mga markings na nakalagay sa istasyon at maging ang mga nasa loob ng tren para sa physical distancing.
Hindi na rin kinakailangan ang mano-mano at digital contact tracing sa mga pasahero, gayunman mandatory pa rin ang pagsusuot ng face mask.
Maliban pa sa minimum public health standards na ipinapatupad, siniguro rin ng pamunuan ng LRT-1 na tuloy-tuloy ang kanilang regular disinfection sa loob at labas ng mga tren.
(Janice Ingente | UNTV News)
Tags: NCR, transportation
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Hindi pa muna ibinibilang ng Metropolitan Manila Development Authority (MMDA) kung ilan ang nasita na mga E-bike at E-trike na dumaraan sa national roads sa Metro Manila.
Kahapon (April 15) ang petsa kung kailan ipatutupad ang ban sa mga nabanggit na e-vehicles sa mga pangunahing kalsada.
Ayon sa ahensya, hindi pa sila mag-iisyu ng violation ticket hanggang ngayong Martes April 16 upang bigyan pa ng panahon ang publiko na malaman ang bagong batas trapiko.
METRO MANILA – Pinamamadali na ng Alliance of Concerned Teachers (ACT) National Capital Region (NCR) union ang pagbabalik ng tradisyonal na school calendar na nagsisimula sa buwan ng Hunyo.
Layon ng nasabing panawagan na maprotektahan ang mga estudyante at kabataan sa gitna ng nararanasang matinding init ng panahon sa bansa.
Naniniwala naman ang grupo ng mga guro na kaya itong isagawa ng Department of Education (DepEd) kung gugustuhin.
