METRO MANILA – Inaprubahan ng Department of Education (DepEd) ang kahilingan ng Metropolitan Manila Development Authority (MMDA) na pansamantalang gamitin ng mga lokal na pamahalaan sa kalakhang Maynila ang mga gusali ng ilang paaralan.
Ito ay upang magsilbing karagdagang isolation facilities sa National Capital Region sa gitna ng patuloy na pagdami ng mga nahahawa ng Covid-19.
Sa datos ng MMDA, umaabot na sa 91% ang occupancy rate ng mga hotel na nagsisilbing isolation facility para sa mga positive asymptomatic patients habang mahigit 71% naman ng mga temporary treatment and monitoring facilities ay okupado na ng positive mild-symptomatic patients.
Paliwanag ni MMDA Chairman Benjamin “Benjur” Abalos Jr., malaki ang makakatipid ng pamahalaan kung gagamitin ang mga paaralan bilang isolation facility kumpara sa mga hotel.
“Ang importante kasi sa atin talagang miski asymptomatic mai-isolate. Pero, you know, it will be very costly for us also kung puro hotels naman. That is why we’re already requesting for the use of the school buildings para medyo, unang una, mas convenient sa mga tao dahil malapit lang yung sa lugar nila. Pangalawa, mas cheaper naman. Baka malaking matitipid ng gobyerno rito.” ani MMDA Chairman Benjamin “Benjur” Abalos Jr.
Ngunit ayon kay Chairman Abalos, papayagan lang ng DepEd na gamitin ang kanilang mga paaralan kung wala nang ibang pasilidad na magagamit ang mga lokal na pamahalaan para sa isolation ng mga Covid-19 patients.
Kailangan rin ay kaalinsunod ang mga pasilidad sa mga requirement ng Interagency Task Force on the Management of Emerging Infectious Disease (IATF) at Department of Health.
Hindi rin dapat magsagawa ng iba pang Covid-19 related activities sa mga paaralan na ipahihiram ng DepEd.
Target ng MMDA na gamitin ang mga pasilidad upang maihiwalay at maobserbahan ang mga asymptomatic Covid-19 patient at ang mga nakararamdam na ng mild symptoms.
“Dalawa yan ‘no. Isa yung tinatawag nating temporary yung isolation talaga. Tapos yung isa naman, para may mga sakit sila na medyo mild yung symptoms na, parang semi-treatment facility.” ani MMDA Chairman Benjamin “Benjur” Abalos Jr.
Tiniayak naman ng MMDA na madaling makapaglalaan ang mga lokal na pamahalaan ng mga gamit at tauhan sa mga gagamiting paaralan para sa isolation ng ilang pasyente.
(Asher Cadapan Jr. | UNTV News)
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Muling pinag-iingat ng Department of Education (DepEd) ang publiko laban sa kumakalat na pekeng post tungkol sa umano’y cash assistance na ibibigay sa mga graduating student.
Sa isang mensahe nilinaw ni DepEd Undersecretary Michael Poa, na walang ganitong programa ang ahensya at pinayuhan ang mga magulang at estudyante na huwag magbibigay ng anomang personal na impormasyon sa mga ganitong klase ng post.
Nakasaad sa fake advisory na makatatanggap umano ng P8, 000 na cash aid ang mga graduating student mula elementary hanggang college level.
Ayon sa DepEd hindi dapat paniwalaan ang naturang post, at pinaalalalahanan ang mga magulang na mag-ingat upang hindi makompromiso ang kaligtasan at kapakanan ng kanilang mga anak.
Tags: DepEd, Fake Cash Assistance
METRO MANILA – Hinimok ng Department of Education (DepEd) ang mga pampublikong paaralan sa bansa na isagawa ang kanilang end-of-school-year (EOSY) rites sa loob ng mga gusali o indoors.
Ayon sa kagawaran, nakatakdang ganapin ang mga EOSY rites mula Mayo 29 hanggang 31 ngayong taon, at itinakda na gawin ito sa loob ng mga gusali o sa mga lugar na may sapat na bentilasyon at malayo sa sikat ng araw.
Pinapaiwas din ng DepEd ang mga paaralan nai-iskedyul ang kanilang EOSY rites sa oras ng araw kung saan ang temperatura ay nasa pinakamataas na lebel.
