Humihingi ng paumanhin sa publiko ang pamilya ng batang nag-viral sa social media matapos i-post ng nanay nito ang larawan na tila ginawa niyang aso ang kanyang anak.
Ayon sa lola ng sanggol na isang taon at anim na buwan pa lamang, katuwaan lang ang nangyari at wala silang layuning masama nang ipaskil ang larawan sa facebook.
Kumalat ang larawan ng bata matapos itong i-share ng mga netizen na nagalit at bumatikos sa ginawa ng nanay sa bata na nilagyan ng tali sa leeg at tila pinapakain sa isang mangkok sa sahig gaya ng isang aso.
Kahapon, kinuha ng DSWD ang bata upang pansamantalang kupkupin habang isinasailalim pa sa pagsusuri at counselling ang mga magulang ng bata.
Ayon sa DSWD-Bataan, lumapit na sa kanilang tanggapan ang mga magulang para itanong kung ano ang dapat nilang gawin sa isyu.
Hiniling rin ng pamilya nito na ibalik na sa kanila ang pangangalaga sa bata.
Ngunit ayon sa DSWD, hindi maaaring balewalain ang pangyayari dahil maaari itong magdulot ng masamang epekto sa paglaki ng bata.
Posible ring maharap sa reklamong child abuse ang nanay ng paslit.
Sa ngayon, mananatili muna ang bata sa kustodiya ng DSWD hangga’t hindi natatapos ang psychological exam at pagsusuri sa parenting capability sa mga magulang ng bata.(Joshua Antonio/UNTV News)
Tags: DSWD
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Nanawagan ang Department of Social Welfare and Development (DSWD) sa publiko na wakasan na ang child labor.
Ayon kay Maribel Barcenas isang shield against child labor national focal ng DSWD, paigtingin ng kagawaran ang kampanya laban sa child labor sa pamamagitan ng pagpapatuad ng komprehensibong programa para sa mga kabataang Pilipino.
Hinihikayat din ang bawat Pilipino na bigyan ang bawat bata ng karapatan na mabuhay nang malaya at ligtas mula sa anomang uri ng child labor.
Tags: Child Labor, DSWD
