METRO MANILA – Patuloy ang Duterte administration sa paghahanap ng mga paraan upang ligtas na makapagbukas ng ekonomiya ng Pilipinas kahit nasa ilalim pa rin ng General Community Quarantine ang ibang bahagi ng bansa.
Ito ang tiniyak ni Cabinet Secretary Karlo Nograles matapos magdesisyon si Pangulong Rodrigo Duterte na tanggihan ang rekomendasyong ilagay na sa Modified General Community Quarantine (MGCQ) ang buong bansa sa buwan ng Marso hangga’t wala pang vaccination rollout.
Muli namang pag-aaralan ng pamahalaan ang panukalang isailalim ang Pilipinas sa pinakamaluwag na community quarantine sa susunod na buwan.
“We’ll monitor the situation on the ground kapag nagkaroon na ng rollout ng vaccination program and if makita naman natin, na maganda ang pagka-rollout and then perhaps we can again try to ask the president, kung ano yung kaniyang magiging sentiment with again shifting to MGCQ” ani Cabinet Secretary Karlo Nograles.
Samantala, wala namang sinisisi si Pangulong Duterte sa pagka-antala ng pagdating ng Covid-19 vaccines sa bansa.
Ayon sa palace official, batid naman ng pangulo na nakaka-comply tayo sa requirements at responsibilidad na ng vaccine manufacturers ang shipment ng supplies.
“Alam mo, si Pangulo, he understands that we are at the receiving end of these vaccines. As much as we want to and as practicable as possible, ginagawa naman po natin ang lahat ng kinakailangan natin based on requirements that is asked of us. But at the end of the day, it is the vaccine manufacturers’ obligation to ship it to us at time that was promised.” ani Cabinet Secretary Karlo Nograles.
Naantala ang pagdating ng 600,000 doses ng Chinese donated sinovac vaccines at wala pa ring tiyak na petsa ng pagdating nito sa bansa matapos aprubahan ng Food and Drug Administration ang Emergency Use nito kahapon.
Umaasa naman ang gobyerno na makapagsisimula ang vaccination rollout ngayong buwan pa rin ng Pebrero o sa unang Linggo ng Marso.
(Rosalie Coz | UNTV News)
METRO MANILA – Mananatili pa rin sa ilalim ng Modified Enhanced Community Quarantine (MECQ) with added restrictions ang Metro Manila, Laguna, at Bataan hanggang September 7, 2021.
Ibig sabihin mas mahigpit na MECQ pa rin ang iiral sa mga lugar na ito hanggang sa susunod na Martes.
Bawal pa rin ang dine-in services, personal care services at mananatiling virtual ang religious gatherings.
Samantala, MECQ rin sa Apayao, Ilocos Norte, Bulacan, Cavite, Lucena, Rizal, Aklan, Iloilo Province, at lima pang ibang lugar.
“Ang NCR, Bataan at Laguna ay may added restrictions sa dine-in, personal care services at religious activities, bawal pa po ito bagaman nasa mecq na po tayo.” ani Presidential Spokesperson Sec. Harry Roque.
Samantala, General Community Quarantine with heightened restrictions naman hanggang September 7 ang Ilocos Sur, Cagayan, Quezon, Batangas, Naga City.
Gayundin ang Antique, Bacolod City, Capiz, Cebu Province, Negros Oriental sa Visayas
At Zamboanga Del Sur, Misamis Oriental, Davao City, Davao del Norte, Davao Occidental, Davao de Oro at butuan city sa mindanao.
Mananatili rin sa general community quarantine hanggang sa susunod na martes ang baguio city, santiago city, quirino, isabela, nueva vizcaya, tarlac, puerto princesa, negros occidental,
Zamboanga Sibugay, Davao Oriental , Davao del Sur, General Santos City, Sultan Kudarat, Sarangani at 11 pang lugar.
Habang nasa MGCQ status naman ang nalalabing bahagi ng bansa.
(Rosalie Coz | UNTV News)
METRO MANILA – Pinayagan man ng Inter-Agency Task Force Against Covid-19 ang pagbubukas ng ilang recreational sites maging sa mga lugar na nasa General Community Quarantine.
Hindi pa rin pabor dito ang ilang mayor sa Metro Manila.
Hanggang ngayon ay hindi pa rin sang-ayon ang mga ito na buksan ang mga sinehan at arcades sa kanilang mga nasasakupan.
Ayon kay Marikina Mayor Marcelino Teodoro hindi pa ito napapanahon.
“Sa Marikina City patuloy na sarado ang mga sinehan, mga arcade. Ayon na rin to sa executive order na aking inilabas at kasalukuyan at patuloy na ipinatutupad. Dahil naniniwala ako na ang virus ay hindi pa rin nawawala at ang Covid-19 cases ay patuloy na tumataas dito sa lungsod ng Marikina” ani Marikina Mayor Marcelino Teodoro.
Ganito rin ang desisyon ni Pasig City Mayor Vico Sotto.
Pero si Taguig City Mayor Lino Cayetano, papayagan na ang unti-unting pagbubukas ng recreational establishments kaakibat ang palagiang pagsusuot ng facemask bilang bahagi ng new normal.
“Pag tayo nagkaroon ng behavioral change kung sanay na tayo may mask, may shield kung kailangan, may distansya lahat pwede na nating gawin. So we are slowly or incrementally opening up para makapag handa tayo sa new normal” ani Taguig City Mayor Lino Cayetano.
Samantala, si Quezon City Mayor Joy Belmonte naman, ipinauubaya sa mga may-ari ng sinehan ang desisyon kung magbubukas na sila .
“Ang aking sinabi sa kanila allow not mandated, if the cinema would like to allow to be opened they will be allowed to be opened but they are not mandated to be opened.Because number 1 when I spoke to cinema owners themselves marami sa kanila ayaw naman magbukas kasi wala naman daw silang ipapalabas na bagong pelikula dahil sa pandemya hindi nmn nakapag shooting,pangalawa kung ang dami-daming restrictions baka nmn hindi sila kumita dahil a ceratin number of people have to watch for them to earn at para kumita kailangan taasan yung presyo ngn panood which might turn off yung mga taong gustong manood”ani Quezon City Mayor Joy Belmonte.
Sa ilalim ng memorandum circular ng DTI, pinapayagan na mag-operate sa 25% capacity ang mga sinehan at arcade sa GCQ areas at 50% capacity naman sa mga MGCQ areas
Ayon kay DTI Secretary Ramon Lopez, layon nitong makapagbigay ng trabaho sa mas marami pa nating kababayan na naapektuhan ng pandemya.
Nguni’t kaakibat pa rin nito ang mahigpit na pagpapatupad sa health protocols .
(JP Nuñez | UNTV News)
Tags: GCQ, Metro Manila, MGCQ, Sinehan
METRO MANILA – Mananatili sa General Community Quarantine (GCQ) ang Metro Manila, Baguio City, at Davao City ngayong buwan ng Marso.
Bukod dito, under GCQ status din ang Batangas at ilang bahagi ng Cordillera Administrative Region, partikular na ang Apayao, Kalinga, at Mountain Province.
General Community Quarantine din ang ipinatutupad sa Tacloban City, Iligan City, at Lanao Del Sur.
Habang ang mayoryang bahagi naman ng bansa ay mananatili sa Modified General Community Quarantine (MGCQ) mula ngayong araw, March 1 hanggang March 31.
