Progresong pang-ekonomiya ang idinahilan ni Foreign Affairs Sec. Alan Peter Cayetano kung bakit hindi na binanggit sa statement ng ASEAN foreign ministers ang arbitral ruling na pumabor sa Pilipinas kontra China sa usapin ng agawan teritoryo sa West Philippine Sea.
Naiintindihan ito ni dating National Security Adviser Rolio Golez dahil kailangang balansehin ng Pilipinas ang relasyon nito sa China lalo at may nakukuhang pakinabang ang ating bansa sa kanila.
Sa kabila nito, nangangamba si Golez sa maaaring ibunga kung patuloy na hindi isusulong ng administrasyong Duterte ang karapatan natin sa West Philippine Sea, lalo’t patuloy ang ginagawang militarization at reclamation ng China sa lugar.
Ayon naman sa director ng Institute for Maritime Affairs and Law of the Sea na si Atty. Jay Batongbacal, isang malaking bagay na binigyan diin naman ASEAN ministers ang importansya ng pagpapatigil sa militarization sa South China Sea kahit pa tapos na installations ng China sa lugar.
Inaasahan naman na bago matapos ang serye ng pulong ng ASEAN ngayong taon sa ilalim ng chairmanship ng Pilipinas ay maisapinal na ang code of conduct na maaaring maging legally binding sa pagitan ng mga bansang may overlapping claims sa West Philippine Sea.
(Joyce Balancio / UNTV Correspondent)
METRO MANILA – Nagbigay ng sagot ang China sa pahayag na sinadya nito ang agresibong aksyon ng China Coast Guard laban sa tropa ng Pilipinas na nagsagawa ng rore misyon sa Ayungin Shoal noong June 17.
Ayon kay China Ministry of Foreign Affairs Spokesperson Mao Ning, nilinaw na ng China ang nangyari at ang posisyon nito sa umano’y ilegal na pagpasok ng mga sasakyang pandagat ng Pilipinas sa Ayungin Shoal na tinatawag nilang Ren’ai Jiao, at iginiit na teritoryo ito ng China.
Sinabi rin ni Mao na dapat itigil na ng Pilipinas ang umano’y probokasyon at paglabag nito sa soberanya ng China,
Isaayos ang maritime differences sa pagitan ng 2 bansa sa pamamagitan ng negosasyon at konsultasyon, at magtulungan para sa pagtsataguyod ng kapayapaan sa South China Sea.
METRO MANILA – Dapat ipatawag na ang Chinese ambassador sa Manila dahil sa huling agresyon ng China sa West Philippine Sea (WPS).
Isang Philippine Navy Service member ang naputulan ng daliri at anim na iba pa ang nasugatan kasunod ng banggaan ng 1 Chinese ship at Philippine vessel na nasa isang rotation at resupply mission sa Ayungin Shoal, araw ng Lunes, June 17.
Kailangan na ring iakyat ang usapin sa international bodies gaya ng United Nations.
Samantala, nagtataka naman si House Deputy Minority Leader at ACT Teachers’ Party-list Representative France Castro sa aniya’y tila pananahimik ni Pangulong Ferdinand Marcos Junior sa pinakahuling pangyayari sa West Philippine Sea (WPS).
Ayon sa kongresista, hindi pwedeng business as usual sa usapin.
METRO MANILA – Isinasapinal na ang environmental case na isasampa ng Pilipinas laban sa China kaugnay ng pinsala sa West Philippine Sea (WPS) sa loob ng ilang Linggo ayon sa Department of Justice (DOJ).
Ayon kay DOJ Spokesperson Mico Clavano, patuloy naman na nakikipag-ugnayan ang Office of the Solicitor General (OSG) sa pangangalap ng ebidensya para sa mas malakas na demanda.
Pinag-aaralan rin ng OSG ang mga legal na opsyon sa nasirang coral at seabed sa rozul reef at escoda shoal sa wps, kabilang ang paghahain ng reklamo sa international tribunal na nakakasakop dito, gaya ng Permanent Court Arbitration (PCA) sa The Hague.
