Muling nanindigan ang pamunuan ng Philippine National Police na ang Special Action Force ang nakapatay sa Malaysian bomb expert na si Zulkifli Bin Hir alyas Marwan.
Kasunod ito ng pahayag ng isang alyas Richard na asset umano ng PNP at nagsabing ang aide ni Marwan ang bumaril nang malapitan at nakapatay kay Marwan noong Jan.25.
Ayon kay PNP Spokesman Police Chief Supt. Wilben Mayor, nananatili ang posisyon ng PNP na ang SAF ang nakapatay kay Marwan base na rin sa mga nakalap nilang ebidensya.
Sinabi pa ni Mayor na hanggat walang naipapakitang matibay na ebidensya ang nagpapakilalang police asset ay walang dahilan úpang pagdudahan ang nagawa ng SAF sa oplan exodus.
“We are definite in our position di kami masu-sway sa ganung balita. Let them present evidence if they want they are free to do that as long as wala silang maipakita matibay na ebidesya then we stand firm in our position. Again, in honor of our fallen heroes we stand firm in our position that SAF troopers killed Marwan.” Pahayag ni Mayor.
(Lea Ylagan/UNTV News)
Matapos ang pagkakaaresto ni Juromee Dongon, asawa ng Malaysian terrorist na si Zulkifli Bin Hir o alyas Marwan, at ng mga kamag-anak nito, nakabantay naman ang National Capital Region Police Office (NCRPO) sa posibleng paghihiganti ng mga sympathizers ni Marwan.
Ayon kay Department of the Interior and Local Government (DILG) Officer-in-Charge Undersecretary Eduardo Año, malaki ang posibilidad na gumanti ang pwersa ng ISIS terrorist dahil sa pagkakaaresto sa asawa ni Marwan.
Ayon kay NCRPO chief PDir. Oscar Albayalde, bagama’t wala pang banta ng terorismo sa Metro Manila, mananatiling naka-full alert status dahil may mga namomonitor silang mga indibidwal at grupo na konektado umano sa ISIS terrorist group.
Matatandaang naaresto ng Philippine National Police (PNP) si Juromee Dongon kasama ang mga kapatid, bayaw at tatay nito sa Lanao del Norte sa salang illegal possesion of firearms and explosives matapos mahulihan ang mga ito ng mga bomba at baril.
Itinuturo rin umano ang mga ito na may koneksyon sa mga pinaghihinalaang terror activities sa lugar.
( Rajel Adora / UNTV Correspondent )
Tags: Juromee Dongon, Marwan, NCRPO, PNP
Ilang mga programa ang nais ipatupad ng bagong Philippine National Police Special Action Force Director Noli Taliño sa pagbabalik nito sa hanay ng SAF.
Si Taliño ang deputy director ng SAF nang mangyari ang madugong engkwentro sa MAMASAPano na ikinamatay ng 44 na SAF upang mahuli ang Malaysian Terrorist na si Zulkifli Bin Hir alyas “Marwan” noong 2015. Target niyang mapalakas ang pwersa ng SAF sa kaniyang panunungkulan.
Ayon pa kay Taliño, dapat ding pag-aralang mabuti ang mga special mission upang maiwasang maulit ang nangyari sa Mamasapano.
Samantala, buo naman aniya ang suporta ni Pangulong Rodrigo Duterte para paigtingin ang kakayahan ng SAF.
Ipinag-utos din aniya ng Pangulo na magdadagdag pa ng limang batalyon sa kasalukuyang pitong batalyon ng SAF.
Si SAF Director Taliño ay kabilang sa mga dumalo kahapon sa pag-alaala sa nasawing SAF 44 sa Camp Bagong Diwa, Taguig.
( Leslie Longboen / UNTV Correspondent )
Tags: Marwan, SAF Director Taliño, Taguig
Malabo pa ring makamit ang hustisya para sa 44 na SAF troopers na napatay sa operasyon sa Mamasapano, eksaktong tatlong na ang nakalipas.
Bagamat napatay sa operasyon ang teroristang si Zulkifli Bin Hir alyas Marwan, nagbuwis naman ng buhay ang mga tauhan ng SAF.
March 2016, 88 ang kinasuhan ng direct assault with murder dahil sa pagkamatay ng tatlumpu’t limang tauhan ng SAF sa maisan ng brgy. Tukanalipao. Kabilang dito ang limang kumander ng Moro Islamic Liberation Front o MILF.
Enero nitong nakaraang taon, iniutos ng Regional Trial Court ng Shariff Aguak, Maguindanao ang pag-aresto sa mga akusado. Pero hanggang ngayon, wala pa ring nahuhuli isa man sa mga ito.
Batay sa ulat na inilabas ng Department of Justice, hindi pa rin nasisimulan ang paglilitis dahil sa mosyon ng mga akusado na i-dismiss ang mga kaso at bawiin ang arrest order laban sa kanila.
Sa kabila nito, tiniyak ni Justice Sec. Vitaliano Aguirre na patuloy ang pagsisikap ng DOJ na mabigyan ng hustisya ang mga biktima. Hiniling na rin ng DOJ na ilipat na lamang sa maynila ang paglilitis sa mga kaso.
Enero nitong nakaraang taon sumulat sila kay Chief Justice Maria Lourdes Sereno, pero wala pang desisyon ang Korte Suprema hanggang ngayon.
( Roderic Mendoza / UNTV Correspondent )
Tags: Mamasapano, Marwan, SAF
