METRO MANILA – Wala pang pinal na desisyon ang Inter-Agency Task Force (IATF) kontra Coronavirus Disease sa kahihinatnan ng Enhanced Community Quarantine (ECQ) sa Metro Manila.
Ang isyung ito, pag-uusapang mabuti ngayong umaga sa isang special meeting ng IATF upang makapaghain ng rekomendasyon kay Pangulong Rodrigo Duterte.
Noong Sabado (MAY 9), ipinahayag ni Presidential Spokesperson Secretary Harry Roque na inaasahang ngayong araw ng Lunes magbibigay ng desisyon ang Punong Ehekutibo kaugnay nito.
“Sa Lunes po inaasahan natin na magkakaroon po ng approval ang ating presidente kung ano ang mangyayari sa atin ng May 16.” ani Presidential Spokesperson Secretary Harry Roque.
Dagdag pa ng palace official, ang tiyak pagkatapos ng May 15, hindi buong Metro Manila ay mananatili sa ECQ o mapasasailalim na sa General Community Quarantine (GCQ).
“Yung matataas na kaso po, di yan magiging GCQ, bagaman wala pang pinal na desisyon, sasabihin ko po na ang desisyon kung ano mananatili sa ECQ will be granular na tinatawag at it will also be surgical. Di po totoo na lahat ng lugar sa Metro Manila ay mag-GCQ na at di naman totoo na buong Metro Manila ay mananatili sa ECQ” ani Presidential Spokesperson Secretary Harry Roque.
Muli ring iginiit ng palasyo sa publiko na wag maniwala sa mga ulat na hindi mismo galing sa tanggapan ng IATF.
Mananatili ring sensya ang batayan ng pamahalaan sa desisyon nito partikular na ang doubling rate sa kaso ng COVID-19 at ang kapasidas ng critical health care ng isang lungsod.
(Rosalie Coz | UNTV News)
Tags: ECQ, GCQ, Pangulong Rodrigo Duterte
Pormal nang inendorso ng partido ni Pangulong Rodrigo Duterte na PDP-Laban ang kandidatura ni Ferdinand Bongbong Marcos, Jr.
Ayon kay PDP-Laban President at Energy Secretary Alfonso Cusi, ito ang naging desisyon ng National Executive Committee ng partido at dumaan ito sa mga konsultasyon.
“’Yun po nagsama sama kami to make formal announcement today that we endorsing the candidacy of Bongbong Marcos for President. At ito po ay hindi desisyon ng partido where we went to the process based on our constitution and bylaws,” ani Sec. Alfonso Cusi, President, PDP-Laban Cusi Wing.
Ayon sa party officials, sa lahat ng presidential candidates, si Marcos Junior ang nakita nila na maaaring makapagtuloy ng mga programa at repormang nasimulan ni Pangulong Rodrigo Duterte.
“Ang ibig sabihin lang po nito sa mga pinagpilian po, ang pinakamalapit po na magtutuloy at magtutulak ng proyekto ni Pangulong Duterte ay si dating Senador Bongbong Marcos,” ayon kay Sec. Melvin Matibag, Acting Cabinet Secretary / Secretary General, PDP-Laban party (Cusi Wing).
Sa tanong naman kung ang endorso na ito ng partido ay endorso na rin ni Pangulong Duterte kay Marcos Jr., sagot ni Cusi,
“The President is now focus in addressing on the concern of the country, sabi niya trabaho siya on the last day of his office, pinababayaan na natin siya nakatutok siya sa trabaho, in due time he will speak as Mayor Duterte.”
Ayon kay Acting Presidential Spokesman Martin Andanar, mas mabuting hintayin ang magiging posisyon ni Pangulong Duterte sa naging desisyon ng kaniyang mga kapartido.
“Hintayin na lang po natin si Pangulong Duterte kung ano ang kaniyang personal na desisyon at again yung desisyon na yun ng PDP-Laban ay base sa kanilang napagusapan sa partido,” pahayag ni Acting Presidential Spokesman Martin Andanar.
Nagpasalamat naman ang kampo ni Marcos Jr. sa endorso na ito ng ruling party.
Ayon kay Attorney Vic Rodriguez, ang tiwalang ibinigay kay BBM ay nakapagbibigay sa kanila ng inspirasyon, at indikasyon aniya na nagkakaroon ng epekto ang kanilang panawagan na pagkakaisa.
Binatikos naman ni Senator Koko Pimentel, chairman ng PDP-Laban Pacquiao group ang aksyon na ito ng grupo nila Secretary Cusi.
Ayon sa Senador, manipestasyon ito na total strangers ang grupo ni Cusi sa PDP-Laban. Hindi aniya nila kinikilala na ang partido ay itinatag para labanan ang Marcos dictatorship.
Hindi na pinatulan pa ni Cusi ang naging pahayag na ito ni Senator Pimentel.
Nel Maribojoc | UNTV News
Tags: Bongbong Marcos Jr., Pangulong Rodrigo Duterte, Secretary Alfonso Cusi
METRO MANILA – Kasunod ng patuloy sa pagbaba ang COVID-19 cases sa bansa, inaprubahan ng Inter-Agency Task Force for the Management of Emerging Infectious Diseases (IATF) ang mas mababang COVID-19 alert system sa Metro Manila.
Mula October 16 – 31, 2021, alert level 3 na ang iiral sa National Capital Region.
Batay sa panuntunan ng IATF, nasa Alert Level 3 ang mga lugar na mataas o pataas ang bilang ng COVID-19 cases at mataas din ang utilization rate ng total bed at intensive care unit.
Sa ilalim ng alert level 3, pinapayagan ang movement ng mga tao liban na kung may ipinatutupad na age at comorbidity restrictions ang nakakasakop na lokal na pamahalaan.
Maaari ang intrazonal at interzonal travel gayundin ang individual outdoor exercises anoman ang vaccination status.
Sa ilalim ng alert level 3, mas marami ang makakapagtrabaho dahil mas maraming establisyimento at business activities ang pahihintulutan liban na sa mga lugar na nasa ilalim ng granular lockdowns.
Maximum 30% on-site venue o seating capacity para sa fully vaccinated at 50% outdoor venue capacity ang pinahihintulutan para sa venues ng meetings, incentives, conferences, exhibitions, permitted venues para sa social events, visitor o tourist attractions tulad ng libraries, museums, galleries, amusement parks o theme parks, recreational venues, cinemas at movie houses, limited face-to-face o in-person classes para sa higher education at technical-vocational education and training, in-person religious gatherings, gatherings para sa neurological services, wakes, inurnment, licensure o entrance examinations, dine-in services, personal care establishments, fitness studious, gyms, film, music at television production.
Ang mga ahensya rin ng pamahalaan, mananatiling fully operational subalit limitado rin sa 30% on-site capacity at may work-from-home at flexible arrangement.
Gayunman, ipinagbabawal ang mga business establishment at activities na itinuturing na high-risk sa hawaan ng COVID-19 tulad ng face-to-face classes sa basic education liban na ang mga aprubado ng IATF, contact sports, funfairs o perya, kid amusement industries, venues na may live performers at audiences, casinos, horse racing, cockfighting, at mga pagtitipon sa mga bahay ng mga indibidwal na hindi magkakasama sa kaparehong household.
Samantala, mananatili naman ang community quarantine classification sa mayoryang bahagi ng bansa.
Labing isang probinsya ang sasailalim sa Modified Enhanced Community Quarantine (MECQ) kabilang na ang Bulacan, Bataan, Cavite, Rizal, Laguna at iba pa.
Samantalang General Community Quarantine with Heightened Restrictions naman sa 23 lugar sa bansa gaya ng abra, Baguio City, Ilocos Sur, Pangasinan, Cagayan, Isabela, City of Santiago, Nueva Vizcaya, Quirino, Quezon, Batangas, Bacolod City, Capiz, Lapu-Lapu City, Negros Oriental, Bohol, Zamboanga del Sur, Misamis Oriental, Cagayan de Oro City, Davao del Norte, Davao Occidental, Davao de oro, Butuan City at Surigao del Sur.
GCQ naman at MGCQ ang mayoryang bahagi ng bansa.
(Rosalie Coz | UNTV News)
Tags: alert level 3, GCQ
METRO MANILA – Bahagyang hinigpitan ng Inter-Agency Task Force for the Management of Emerging Infectious Diseases (IATF-EID) ang pinaiiral na community quarantine sa ilang probinsya sa bansa.
Kabilang dito ang Abra, Baguio City at Bohol na isinailalim sa General Community Quarantine with heightened restrictions mula sa dating klasipikasyon na Modified General Community Quarantine o (MGCQ).
Ang Ilocos Norte naman, niluwagan na sa GCQ mula sa Modified Enhanced Community Quarantine o (MECQ).
Epektibo ito simula ngayong araw (September 24) hanggang katapusan ng Setyembre.
Sa ilalim ng GCQ with heightened restrictions, 20% venue o seating capacity ang pinahihintulutan sa indoor dine-in services samantalang 50% naman sa al-fresco o outdoor dine-in services.
30% seating capacity naman para sa beauty salons, beauty parlors, barbershops, at nail spas.
At ang outdoor tourist attractions namans, papayagan ang 30% venue capacity at dapat panatilihin ang pagsunod sa minimum public health standards.
Sa religious gatherings naman, maaari ang 10% venue capacity at maaari itong palawigin ng mga lokal na pamahalaan sa 30%.
Ang mga establishment naman na may safety seal certifications, maaari pang dagdagan ng 10% seating capacity.
Bawal naman ang meetings, incentives, conventions and exhibitions events and social events sa venue establishments gayundin ang indoor sports courts at venues at indoor tourist attractions.
Samantala, ang Metro Manila naman ay nananatiling nasa ilalim ng Alert Level 4 na may kasamang granular lockdowns.
(Rosalie Coz | UNTV News)
Tags: Abra, Baguio City, Bohol, GCQ, GCQ with Heightened Restrictions, Ilocos Norte
