METRO MANILA – Posibleng umabot pa sa P60 ang presyo ng well milled rice ayon sa Federation of Free Farmers.
Mula nang alisin ang price cap ay nasa P5 hanggang P10 na ang itinaas nito sa mga pamilihan.
Base sa price monitoring ng Depatment of Agriculture (DA), umaabot na sa P55 ang presyo ng well local milled rice habang P58 naman sa imported.
Ayon sa grupo ng mga magsasaka, nasa P30 na ang bilihan ngayon ng tuyong palay.
Kung may mas mababa mang presyo ng palay, mahal na rin itong naibebenta dahil sa mataas na presyo ng imported rice.
Pero kung may murang bigas anila na papasok ay posibleng mapigilan ang pagtaas ng presyo nito sa mga palengke.
Ayon naman sa Department of Agriculture (DA), bukod sa magandang ani ng lokal na produksyon ay makatutulong rin sa pagpapanatili ng presyo ang imported rice.
METRO MANILA – Tiniyak ni Pangulong Ferdinand Marcos Junior na maihahatid ang tulong para sa mga residenteng naapektuhan sa pananalasa ng bagyong Aghon.
Ayon kay PBBM, inatasan na nito ang Department of Social Welfare and Development (DSWD), Department of Agriculture (DA) at Department of Health (DOH) na ihatid ang lahat ng tulong at suportang medikal sa mga biktima ng bagyo.
Reresponde rin kaagad aniya ang pamahalaan upang maisaayos ang mga nasirang imprastraktura.
Siniguro rin ni Pangulong Marcos na may nakaantabay pang pondo para sa typhoon-hit areas.
METRO MANILA – Tiniyak ng National Food Authority (NFA) na sapat ang supply na bigas para sa La Niña.
Sa ulat ng NFA, triple ang dami ng rice buffer stock sa pamamagitan ng bagong pricing scheme.
Ayon kay NFA Administrator Larry Lacson, nasa 2.8-M sako ng palay ang nasa bodega ng NFA at na nasa mataas na buying price range na P17 – P23 kada kilo ng sariwa o basang palay at mula P23 – P30 naman ang kada kilo ng malinis at tuyong palay.
Dagdag pa ni Lacson, sapat naman aniya ang stock na bigas mula sa 126,000 metric tons ng milled rice at patuloy pa itong nadaragdaga upang masiguro ang 300,000 metric tons na rice buffer stock na target ng ahensya para sa nagbabantang La Niña phenomenon.
Nakikipagugnayan naman ang NFA sa Department of Agriculture (DA), gayon din sa PhilMech, pribadong sektor at mga non-profit organization para makakuha ng mga drying facility para sa wet harvest season.
METRO MANILA – May nakikitang magandang solusyon ang pamahalaan upang
mapababa ang presyo ng bigas.
Ayon kay Pangulong Ferdinand Marcos Junior batay na rin sa pag-uusap ng 2 kapulungan ng Kongreso, kung mas magiging malaki ang papel ng gobyerno sa importasyon ng bigas, posibleng mapababa nito ang halaga ng bigas sa merkado.
Binigyang diin ni PBBM, na ise-certify niya bilang urgent bill ang panukalang amiyenda sa Rice Tariffication Law.
Tags: rice
