Pagkatapos ng dalawang sunod na oil price rollback, muling magkakaroon ng pagtaas sa presyo ng mga produktong petrolyo.
Ayon sa oil industry players, 10-20 sentimos ang madadagdag sa halaga ng gasolina kada litro. 30-40 sentimos naman sa diesel at 40-50 sentimos ang kerosene.
Ayon sa Department of Energy (DOE), malaki ang naging epekto ng pagbagsak ng halaga ng piso sa presyo ng langis.
Halos umabot na sa 54 pesos ang palitan ng piso sa dolyar noong nakaraang linggo.
Ang dolyar ang ginagamit na pambili sa inaangakat na produktong petrolyo sa ibang bansa.
METRO MANILA – Epektibo na ang malakihang pagtaas sa presyo ng mga produktong petrolyo simula ngayong araw ng Martes June 18.
Batay sa magkakahiwalay na abiso ng mga kumpanya ng langis, tataas ng P1.70 ang presyo ng kada litro ng Diesel.
Aabot naman sa P0.85 ang dagdag sa kada litro ng gasolina.
Samantala, madaragdagan naman ng P1.90 ang kada litro ng Kerosene.
Nauna ng sinabi ng Department of Energy (DOE) na ang bigtime oil price hike ay bunsod ng naitalang pagtaas sa inaasahang demand ng langis ng iba’t ibang mga ahensya sa mundo.
Nakaapekto naman din ang pabago-bagong galaw sa presyo ng langis sa international market.
Tags: DOE, oil price hike
METRO MANILA – Magkakaroon ng rollback sa presyo ng mga produktong petrolyo ang mga kumpanya ng langis bukas araw ng Martes (June 11).
Batay sa inisyal na pagtaya ng mga oil company, maaaring bumaba ng P1.20 – P1.40 ang presyo ng kada litro ng Diesel.
Magkaroon din ng tapyas sa presyo na P0.50 – P0.70 sa presyo naman ng kada litro ng gasolina.
Posible rin ang rollback na P1.10 hanggang P1.30 ang kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Marami rin ang kasalukuyang supply ng mga oil producing countries kaya bumaba ang oil price.
Tags: oil price rollback
METRO MANILA – Magkakaroon ng paggalaw sa presyo ng mga produktong petrolyo ang mga kumpanya ng langis bukas, araw ng Martes (June 4).
Batay sa inisyal na pagtaya ng mga oil company, maaaring tumaas ng P0.40 hanggang P0.60 ang presyo ng kada litro ng Diesel.
Magkakaroon naman ng malaking rollback na P0.90 hanggang P1.10 sa presyo ng kada litro ng gasolina.
Posible rin ang price hike na P0.60 hanggang P0.80 sa presyo ng kada litro ng kerosene.
Mamaya, iaanunsyo ng mga kumpanya ng langis ang final price adjustment na ipatutupad nila bukas.
Ayon sa industry players, bunsod pa rin ito ng pabago-bagong galaw sa presyo ng langis sa international market.
Sinabi naman ng Department of Energy (DOE) na nakaapekto sa naturang paggalaw sa presyo ang inaasahang production cut ng Organization of Petroleum Exporting Countries (OPEC).
Tags: DOE, oil price hike, OPEC
