METRO MANILA – Posibleng bumaba na sa P70 – P80 ang kada kilo ng asukal sa Nobyembre.
Ayon sa Sugar Regulatory Administration (SRA), sakto ang pagdating ng 150 ,000 metric tons na inangkat na puting asukal kasabay ng kasagsagan ng lokal na produksyon.
Nagtataka naman ang kinatawan ng sugar cane planters sa SRA board kung bakit umabot sa mahigit sa P100 ang kada kilo ng asukal gayong mababa lang itong nakuha sa kanila.
“So it’s a big misinterpretation na kumikita si farmer ng ganun kalaki because eto yung kita sa palengke hindi yan totoo.” ani SRA Board Member, Planter’s Representative Pablo Luis Azcona.
METRO MANILA – Sinabi ng Sugar Regulatory Administration (SRA) na sapat pa ang suplay ng refined sugar sa kabila ng pagsasara ng Central Azucarera Don Pedro Incorporated (CAPDI) sa Batangas noong February 28.
Ayon kay SRA Administrator Pablo Luis Azcona, umpisa pa lamang ng taong 2023 ay tumigil na ang operasyon ng CAPDI.
Dagdag pa ni Azcona na ipinatupad na ang pagpapanatili ng buffer stock ng asukal at sasapat na ngayong taon.
Samantala batay sa huling ulat ng Department of Agriculture nasa P72 hanggang P100 ang kada kilo ng refined sugar sa Metro Manila.
Nasa P68 hanggang P86 naman ang washed sugar habang nasa P65 hanggang P90 ang brown sugar.
Tags: refined sugar, SRA
METRO MANILA – Isinusulong ng Sugar Regulatory Administration (SRA) ang paglalagay ng Suggested Retail Price (SRP) sa asukal.
Ito’y matapos na umaabot sa mahigit sa P100 ang presyo ng puting asukal sa mga pangunahing palengke sa Metro Manila.
Nabawasan anila ng P10 ang kada kilo ng farm gate price kaya kung susumahin ay nasa P80 hanggang P85 lamang dapat ang presyo ng puting asukal sa mga palengke.
Maaari namang tumulong ang Department of Trade and Industry (DTI) sa pagbabantay sa presyo pero ang Department of Agriculture (DA) parin ang maglalagay ng SRP.
Pabor naman ang Philippine Chamber of Agriculture and Food Incorporated sa paglalagay ng SRP sa asukal.
METRO MANILA – Tiniyak ng Sugar Regulatory Administration (SRA) na sapat ang supply ng asukal sa bansa.
Ito ay sa kabila ng mga nararanasang pag-ulan na dulot ng bagyo at habagat.
Ayon kay SRA Administrator Pablo Azcona, hindi naman gaanong naapektuhan ang mga pananim na tubo kahit na maulan ang panahon.
Ang mga mapaminsalang bagyo aniya sa mga taniman ng tubo gaya sa Negros ay nangyayari sa mga buwan ng Nobyembre at Disyembre.
Mag-uumpisa narin aniya ang milling operation sa Setyembre kaya’t muling magkakaroon ng lokal na produksyon.
