Tatlong bayan sa Nueva Ecija ang bumaba ang ani ng sibuyas dahil sa pananalasa ng bagyong Lando at Nona noong nakaraang taon.
Ang mga ito ay ang bayan ng Laur, Gabaldon at Bongabon.
Hanggang sa ngayon, nagsasagawa pa rin ng clearing operation ang provincial government sa may isang daang ektaryang taniman ng sibuyas.
Ayon sa mga magsasaka, kung noong ay umaani sila ng limang daang sako ng sibuyas sa bawat isang ektraya,ngayon umaabot na lamang sa isang daan at tatlumpo.
Ito ay dahil sa makapal na banlik o putik na tumabon sa ekta-ektaryang taniman nila ng sibuyas at gulay.
Sa tala ng municipal agriculture ng bayan ng Bongabon, nasa dalawang libo na lamang mula sa dating 2,500 ektarya ng lupa ang natataniman ng sibuyas.
Hindi rin naging maayos ang paglaki ng mga tanim nilang sibuyas kaya mura lamang nila itong naipagbibili.
Samantala, bilang tulong sa mga nagtatanim ng sibuyas, namahagi ang provincial government ng mga binhi ng sibuyas at abono na nagkakahalaga ng limang milyong piso.
Nagbigay rin ang local na pamahalaan ng Nueva Ecija ng clearing operation assistance sa mga magsasaka na nagkakahalaga ng dalawang milyong piso upang gumanda na ang kanilang ani sa susunod na anihan sa Mayo.
(Grace Doctolero / UNTV Correspondent)
Tags: bumaba, onion capital, sibuyas
METRO MANILA – Aalamin ng Department of Agriculture (DA) kung saang kamay na dinadaanan ng sibuyas nagkakaroon ng pagtaas ng presyo.
Base sa impormasyong nakalap ng kagawaran, nasa P120/kl ang pinakamataas na presyo mula sa mga magsasaka.
Pero ngayon ay umaabot sa P200 ang kada kilo sa ilang palengke sa Metro Manila.
Mahigit sa doble ito kumpara sa presyo noong nakaraang taon sa parehong buwan.
Inialam narin ng kagawaran kung may nagko-control sa paglalabas ng supply ng sibuyas para mapanatili ang mataas na presyo nito.
Inirerekomenda din ng sinag ang pag-aangkat ng 7.500 metric tons ng puting sibuyas kung ibabatas sa produksyon noong nakaraang taon.
Pero dapat anilang pagtugmain muna ang aktuwal na imbentaryo para malaman kung gaano karami ang kailangang angkatin.
Ayon sa DA, titiyakin nilang nasa “timing” kung mag-aankat man ng sibuyas ang bansa para hindi na maulit ang krisis na nangyari noong nakaraang taon.
(Rey Pelayo | UNTV News)
METRO MANILA – Tumaas na naman ang presyo ng sibuyas sa merkado.
Umaabot na ngayon sa P160 hanggang P200 ang kada kilo ng sibuyas sa mga palengke sa Metro Manila base sa price monitoring ng Department of Agriculture (DA).
Ayon sa mga magsasaka ng sibuyas, halos tapos na ang anihan at nasa P120 ang huli nilang benta kada kilo.
Pero may dagdag na anila itong P15 kada kilo dahil sa gastos sa renta sa cold storage, upa sa tauhan at nabawasan narin ang timbang.
Base sa datos ng Bureau of Plant Industry, halos 13,000 metriko tonelada ng puting sibuyas ang mayroon sa bansa na tatagal hanggang sa Setyembre.
Ang pulang sibuyas naman ay mahigit pa sa 98,000 metriko tonelada na tatagal naman hanggang Nobyembre.
METRO MANILA – Binunyag ni Israel Reguyal, Chairman ng Bonena Multipurpose Cooperative, na binibili ang mga suplay na nasa storage unit at saka mag-aanunsyo na kulang na umano ang suplay.
Dagdag pa ni Reguyal dito ngayon maglalabas ang Department of Agriculture (DA) ng importation order para mag-angkat ng sibuyas.
Sa Motu Proprio Inquiry ng House Comittee on Agriculture, itinuro ni Reguyal si Lilia Leah Cruz na umano’y bumibili ng mga suplay sa cold storages.
Si Cruz ang tinatawag na onion queen o Mrs. sibuyas na sangkot umano sa smuggling noong 2014.
Sa pagdinig, natanong din si Cruz tungkol sa mga tumalbog na cheke na ibinayad nito para makabile ng sibuyas noong 2014.
Ang naging tugon ni Cruz ay kanila ng na settle ang nasabing isyu.
Inireklamo rin ni Reguyal na nalugi sila ng nasa P30M dahil sa nangyaring manipulasyon sa supply ng sibuyas noong 2013.
Nagsagawa na ng executive session ang komite kung saan dito pinangalanan ni Reguyal ang mga opisyal ng DA na umano’y sangkot sa nasabing modus operandi.
Dumalo rin sa executive session si Leah Cruz kung saan mariin din nitong pinabulaanan na sangkot ito sa pagmamanipula ng suplay ng sibuyas.
Kinukunan din ng UNTV News ng komento ang Department of Agriculture, subalit wala pa itong tugon sa naturang isyu.
(Aileen Cerrudo | UNTV News)
