Kinumpirma ni Rappler CEO and Executive Editor Maria Ressa na may inilabas nang warrant of arrest laban sa kanya kaugnay ng kinakaharap na kasong tax evasion.
Sa pagdating nito kagabi sa Ninoy Aquino International Airport (NAIA), sinabi nitong na-verity na ng kanyang abogado ang naturang impormasyon.
Handa naman aniya siyang harapin ang lahat ng ito sa korte.
Tags: arrest warrant, Maria Ressa, Rappler
MANILA, Philippines – Hindi pa agad matatalakay ng Korte Suprema ang petisyon ng mga reporter ng Rappler para muling makapag cover uli sa Malacañang.
Ayon kay Chief Justice Lucas Bersamin, sa susunod na buwan o sa May 3 pa muling magdadaos ng en banc session ang mga mahistrado ng Korte Suprema.
Kahapon umapela ang ilang Rappler reporters sa SC para tapusin na ang pagbabawal sa kanila na makapasok sa Malacañang at sa mga event ng Pangulo.
Ayon sa Rappler ang pagpigil sa kanila ay paglabag sa kalayaan sa pamamahayag.
“No. I don’t think so because the en banc is no longer going to meet until May 3. Iyong pag-akyat namin sa Baguio natapos na namin iyong mga naka schedule na kaso namin sa en banc, but mahirap lamang na ipagpatuloy namin sa Abril ng holy week at pagbibigyan namin ang mga miyembro ng Supreme Court na magnilay,” ani Chief Justice Lucas Bersamin.
Tags: Chief Justice Lucas Bersamin, Petisyon ng Rappler, Rappler, Supreme Court
METRO MANILA, Philippines – Nakapaglagak na ng piyansa si Rappler CEO Maria Ressa matapos itong arestuhin kaninang umaga, March 29 sa Ninoy Aquino International Airport (NAIA) dahil sa kasong paglabag sa Anti-Dummy Law.
Nagbayad ng 90,000 pesos si Ressa sa branch 268 ng Pasig Regional Trial Court para sa pansamantalang kalayaan nito.
Itinakda sa Abril a-diyes ng 8:30 ng umaga ang arraignment ni Ressa.
Matatandaang nag-ugat ang naturang kaso sa reklamo sa National Bureau of Investigation (NBI) sa pag-iisyu ng Philippine Depositary Receipts sa Indonesian company na Omidyar Network na sinasabing investor sa naturang online news website.
MALACAÑANG, Philippines – Iginiit ng Palasyo na naaayon sa batas ang pagkakasampa ng kaso laban kay Rappler CEO and Executive Editor Maria Ressa.
Pahayag ng Malacañang, mali at walang batayan ang mga paratang ni Ressa sa pamahalaan sa pag-aresto sa kanya ng National Bureau of Investigation dahil sa kasong cyber libel. Ito rin umano ang ginagamit niya upang hikayatin ang mga kapwa mamamahayag na manindigan laban sa pamahalaan.
Sinabi rin ng Palasyo na ang Korte ang nakakita ng probable cause dahilan upang iaresto ito. Ayon kay Presidential Spokesperson Salvador Panelo, walang kinalaman ang Duterte Administration dito.
“Now you say there is an abuse of power, excuse me, Maria abuse of power? You are the one abusing your power as a journalist. You’re martialing your colleagues to support you, on the basis of a misplaced and baseless cause, what is the cause? You’re saying that the government is stilling fear because of the case filed against you. There is no connection whatsoever,” ani Panelo.
Pinayuhan din ni Panelo si Ressa na huminto na sa paninisi sa pamahalaan at sa halip ay sisihin na lamang ang mga abugado nito.
Samantala, may payo rin ang Malacañang sa mga sumusuporta kay Ressa sa loob at labas ng bansa. Payo ng Palasyo, nararapat na alamin muna ang mga katotohanan sa mga reklamong isinampa kay Ressa.
“The support obviously is coming from those, who had been either ignorant of the facts or misinformed of the facts,” ayon kay Panelo.
(Rosalie Coz | UNTV News)
Tags: cyber-libel, Malacañang, Rappler, Rappler CEO Maria Ressa
