Naghain ng resolusyon ang mga miyembro ng Senate Minority Bloc kanina.
Layon ng panukalang joint resolution na ipatigil ang pinapataw na dagdag buwis sa produktong petrolyo sa ilalim ng Tax Reform for Acceleration and Inclusion TRAIN Law.
Sasakupin rin ng suspensyon na ito ang ipapataw na excise tax sa taong 2018 para sa 2nd tranch ng TRAIN Law; gaya ng pangkaraniwang panukalang batas, dadaan sa deliberasyon ang proposed resolution hanggang sa ito ay makapasa at malagdaan ni Pangulong Rodrigo Duterte,
Ang paghahain ng resolusyon ng mga senador ay kasunod na rin ng naging pahayag ni Pangulong Duterte na bukas ito sa suspensyon ng excise tax sa Enero. Welcome development naman ito sa ilang senador.
Ayon naman kay Senate President Vicente Sotto III, kung ito ang makalulutas sa pagtaas ng presyo ng mga bilihin ay susuportahan niya ang suspensyon ng dagdag pataw na buwis sa produktong petrolyo sa susunod na taon.
Para rin sa senate president, may kapangyarihan naman ang Malakanyang na ipatigil ang pataw na buwis na ito.
Inaasahan ng minorya na maghahain rin ng counterpart resolution ang opposition group na nasa lower house.
Target ng Senate Minority Bloc na maipasa ang joint resolution bago ang holiday- session break sa Disyembre.
( Nel Maribojoc / UNTV Correspondent )
Tags: excise tax, Senate Minority Bloc, TRAIN Law
MANILA, Philippines – Inaasahang malalagdaan na ni Pangulong Rodrigo Duterte sa Linggong ito ang panukala na magtataas sa Tobacco Excise Tax o ang buwis na ipinapataw sa sigarilyo.
Ayon sa Department of Finance (DOF), nakatakdang maglapse into law ang naturang panukala sa July 27.
Nakapaloob sa naturang panukalang batas na tataas ang excise tax sa sigarilyo mula 2020 hanggang 2023.
Sa unang taon ng implementasyon nito, mula 35 pesos ay tataas sa 45 pesos ang kada pack ng sigarilyo.
“I was told it would be signed this week because that is a priority measure certified urgent by the president in the previous congress and mentioned by the president in the sona.” ani Department of Finance Usec. Karl Chua.
METRO MANILA, Philippines – Naghain ng petisyon para sa karagdagang 710 pesos na umento sa minimum na sahod ng mga manggagawa ang labor group na Associated Labor Trade Union Congress of the Philippines.
Idinaing ng labor group na ALU TUCP sa National Capital Region Regional Wage Board ang kanilang hiling na na 710 pesos na umento sa sahod para sa mga pribadong manggagawa kanina. Ibig sabihin mula sa minimun na 537 pesos nais nilang gawing 1,245 ang minimum wage.
Ilan sa dahilan ng mataas na presyo ng pangunahing bilihin, epekto ng Train Law, Excise Tax sa langis, VAT at ang rekomendasyon ng Food and Nutrition Research Institute at iba pang mga ahensya ng pamahalaan para sa kinakailangang masustansyang pagkain ng mga konsyumer.
Sa 2018 Household Final Consumption Expenditure ng PSA itinakda ang alokasyon para sa pagkain SQ 42.5% ng 537 pesos pero ang halaga ng nauuwi ng isang maggagawa ay nasa 354.80 lamang, mula sa halagang ito ay nasa higit P150 ang nailalagay na alokasyon para sa pagkain.
Babagsak na nasa 10 piso kada meal lamang ang alokasyon para sa bawat miyembro ng pamilya na may 5 miyembro.
Noong nakaraang Nobyembre huling naaprubahan ng Wage Baord ang 25 pesos na umento para sa mga pribadong manggagawa na nagtaas ng sahod mula 512 pesos hanggang 537 pesos.
Mon Jocson | UNTV News
Tags: excise tax, May 1 Labor Day, TRAIN Law
METRO MANILA, Philippines – Naniniwala ang Laban Konsyumer Group na dapat ay mas mababa pa ang presyo ng mga pangunahing bilihin ngayon sa mga pamilihan. Ito ay dahil bumaba na umano ang farm gate price dahil na rin sa pagbaba ng presyo ng produktong petrolyo.
“Hindi lamang dapat stable ang presyo ng pangunahing bilihin dapat ito mababa pa dahil ang farm gate price ng gulay at manok at baboy ay mababa. ‘Yung mababang presyo ng farm gate prices hindi agad mag reflect sa retail kaya dapat tutukan talaga ng monitoring at enforcement,” pahayag ni Vic Dimagiba, presidente ng Laban Konsyumer Group.
Ayon naman kay Wilson Lee Flores, isang ekonomista, magiging stable ang presyo ng mga bilihin sa mga unang buwan ng taong 2019. Ngunit kailangan aniya bantayan ang epekto sa ekonomiya dahil sa trade war sa pagitan ng Amerika at Tsina.
Ani Flores, “May kaunting epekto sa paghina ng ekonomiya ng buong mundo pero ang magandang balita (dahil) ang Pilipinas at Asya, malakas pa rin ang ekonomiya natin.“
Dagdag pa ng ekonomista, hindi na masyado mabibigla ang mga tao sa panibagong dagdag-buwis na ipapataw ngayong taon dahil naumpisahan na ito noong 2018.
(Mon Jocson | UNTV News)
Tags: Laban Konsyumer, pangunahing bilihin, petroleum, petroleum products, price increase, price rollback, primary commodity, produktong petrolyo, TRAIN Law
