Kumpirmado nang tatakbo sa pagka-pangulo si Sen. Miriam Defensor-Santiago sa 2016.
Sa relaunching kahapon ng kanyang librong “Stupid is Forevermore” inanunsyo ng senador ang balak nitong tumakbo sa pagkapangulo sa pangatlong pagkakataon.
Ayon kay Santiago, tapos na ang pakikipaglaban nito sa sakit na cancer sa baga at handa nang makipaglaban upang maging lider ng bansa.
Ayon kay Santiago kapag naging pangulo siya ng bansa ay malaki ang igaganda ng kalagayan ng Pilipinas na sa ngayon aniya ay nagdurusa dahil sa pandarambong.
Sa naturang event, nakasuot ng pulang T-shirt na may nakalagay na #MIRIAM2016 ang ilan sa mga taga-suporta ni Santiago.
May dala pang mga banner ang iba na nagsasabing “We Want You President Miriam” at “Miriam, Ikaw Na!”
Tags: halalan 2016, Sen. Miriam Santiago
