Sen.Miriam Santiago, nakalabas na ng ospital

by Radyo La Verdad | June 8, 2016 (Wednesday) | 2598

SEN.SANTIAGO
Nailabas na kahapon sa Makati Medical Center si Senator Miriam Santiago matapos ang isang linggong pananatili sa pagamutan.

Si Senator Miriam ay isinugod sa MMC noong nakaraang lunes kung saan inilipat pa ito sa Intensive Care Unit noong gabi ng Martes dahil sa komplikasyon ng kanyang lung cancer at pagkakasakit ng Pneumonia.

Bagama’t marami ang nais dumalaw sa senadora habang siya ay nasa ospital ay hindi ito pinahintulutan, kung kaya’t hinikayat na lang ng kanyang mga staff ang mga taga suporta at kaibigan ng senadora na ipabatid ang kanilang pakikiramay at paghiling na bumuti ang kalagayan ni Santiago sa pamamagitan ng social media.

Si Santiago ay isa sa mga Presidentiable na tumakbo noong May 9 National Elections at kabilang rin siya sa mga senador na magtatapos ang termino ngayong June 30,2016.

(Meryll Lopez / UNTV Radio Correspondent)

Tags: ,