Maaga pa lang ay nakahanda na ang labing pitong shuttle buses para sa mga panauhin ni President Rodrigo Duterte sa kanyang inagurasyon ngayong araw.
Aabot sa 637 ang guests ni Pangulong Duterte kasama na ang diplomatic corps.
Mahigpit ang seguridad sa palibot ng PICC.
Sa labas ng gusali ay nakakalat ang mga PNP personnel.
Pinangunahan naman ng Presidential Security Group ni Duterte ang security inspection.
Alas otso kailangan na nasa PICC na ang mga panauhin at bago mag alas nueve kanina ay isa- isa nang lumabas ang mga bus at inihatid sa palasyo ang mga guest.
Ang mga bus ay inasistehan ng metro manila development Authority at Philippine National Police Highway Patrol Group.
Gumamit ng bus sa paghatid sa mga panauin, dahil sa limitadong parking area sa Malacanang compound.
Sa PICC ipinarke ang mga sasakyan ng mga bisita.
Hindi pinapayagang makapag park ang walang carpass at walang naipakitang imbitasyon.
Sa kabuuan ay naging maayos ang seguridad sa paghahatid sa mga bisita ni Duterte mula PICC patungo sa Malakanyang at pabalik ng PICC matapos ang inagurasyon.
(Bryan De Paz / UNTV Correspondent)
Tags: inagurasyon, Pang. Rodrigo Duterte, Seguridad para sa mga dumalo
METRO MANILA – Nakahanda nang maglagay ng mga karagdagang pwersa ang Philippine National Police (PNP) sa magkahiwalay na inagurasyon nina President-elect Ferdinand “Bongbong” Marcos at Vice President-elect Sara Duterte-Carpio ngayong Hunyo.
Sa isinagawang press conference sa Camp Crame, ipinahayag ni PNP officer-in-charge Lt. Gen. Vicente Danao Jr. na bagama’t wala pa silang nasusubaybayang banta sa magkahiwalay na inagurasyon ay patuloy pa ring magbabantay ang PNP.
“As of now we have not received any serious threat. However, we should not be very complacent considering that these are our top leaders of the land. We should always be on alert. So atin pong i-ensure ang safety ng President-elect and Vice President-elect,” ani PNP officer-in-charge Lt. Gen. Danao Jr.
Tiniyak din niya na magiging maayos ang paglilipat ng kapangyarihan sa susunod na administrasyon mula sa isasagawang inagurasyon ni VP-elect Sara Duterte-Carpio sa Davao City sa June 19, samantalang June 30 naman gaganapin ang kay President-elect Ferdinand “Bongbong” Marcos Jr.
Ayon pa kay Brig. Gen. Roderick Augustus Alba, hepe ng PNP-Public Information Office, handa nang tumulong ang PNP’s Police Security and Protection Group sa Presidential Security Group (PSG) na magbantay sa magkahiwalay na inagurasyon.
“There was already coordination with the PSG on the deployment. The number of security personnel is kept confidential due to security purposes,” ani Chief PNP-PIO Brig. Gen. Alba.
(Edmund Engo | La Verdad Correspondent)
Tags: inagurasyon, VP
Matapos makapagsagawa ng pag-aaral si interior Secretary Eduardo Año kaugnay ng social impact ng e-sabong o online cockfighting, nagdesisyon na si Pangulong Rodrigo Duterte na ipahinto ang operasyon nito sa bansa epektibo ito ngayong araw, May 3, 2022.
Binanggit ito ng Punong Ehekutibo sa kaniyang recorded public address kaninang umaga.
Ayon sa Pangulo, may nakararating na ulat sa kaniya kaugnay ng matinding epekto ng sugal sa mga pamilya matapos magsagawa ng survey si Sec. Año sa social impact ng e-sabong.
“The recommendation of Secretary Año is to do away with e-sabong. He cited the validation report coming from all sources. So, it’s his recommendation and I agree with it and it’s a good. So e-sabong will end by tonight,” pahayag ni Pang. Rodrigo Duterte.
Kaya aprubado na aniya ang rekomendasyon ni Sec. Año na itigil na ang e-sabong operations.
“May naririnig ako, loud and very clear to me, it was working against our values, and ‘yung impact sa pamilya, pati sa tao, eh ang labas hindi na natutulog yung mga sabungero 24 hours,” dagdag ni Pang. Duterte.
Sinabi ng Presidente na daan-daang milyong halaga ng buwis para sa gobyerno ang habol ng kaniyang administrasyon kaya pinahintulutan niya ang operasyon nito.
Rosalie Coz | UNTV News
Tags: E-SABONG, Eduardo Año, Pang. Rodrigo Duterte
Pinaboran ng Pang. Rodrigo Duterte si National Task Force to End Local Communist Armed Conflict (NTF-ELCAC) Spokesperson Lorraine Badoy sa pag-red tag sa ilang partylist organization sa recorded Talk to the People ng Pangulo kagabi (March 30).
“Ang problema they are supporting or they are really parang legal fronts ng communist party of the Philippines itong ulitin ko, Kabataan, Anakpawis, Bayan Muna, Alyansa of Concerned Teachers (ACT), and Gabriela,” pahayag ni Pang. Rodrigo Duterte sa kanyang Talk to the People.
Nanawagan rin ang Pangulo na huwag iboto ang mga naturang partylist groups.
Mariin namang tinutulan ng mga miyembro ng Makabayan bloc ang red tagging na ito ng Pangulo.
“Feeling namin nagpa-panic na ang kasalukuyang administrasyon dahil lumalakas ang oposisyon,” ayon kay Rep. Arlene Brosas, Gabriela partylist.
“Mali at mapanganib ang red tagging, tumitindi ang atake sa oposisyon lalo na ngayong eleksyon,” pahayag ni Rep. Sarah Jane Elago, Kabataan partylist.
Ayon naman kay Bayan Muna partylist Representative Carlos Zarate, taktika rin ito ng administrasyon para lumihis sa mga isyung kinakaharap ng bansa tulad ng problema sa pandemya at patuloy na pagtaas ng presyo ng produktong petrolyo.
“Itong red tagging na ito ay act of desperation in fact with tactic din para ilihis ang mamamayan sa tunay na isyu,” ani Rep. Carlos Zarate, Bayan Muna partylist.
Inamin naman ni ACT teachers partylist representative France Castro na nagdudulot ng takot sa kanilang mga tagasuporta ang pagsasabing konektado sila o legal front sila ng komunistang grupo.
“So nagkakaroon ito ng takot sa aming constituents basically mga potential voters namin ‘yan,” sinabi ni Rep. France Castro, Act-Teachers partylist.
Giit ng mga mambabatas, hindi na bago ang isyung ito at wala umanong matibay na basehan ang red tagging ng administrasyon.
Nel Maribojoc | UNTV News
