Isang government agency ang nagsabi kay Senador Alan Peter Cayetano na may nakalap itong impormasyon na may seryosong banta sa kanyang buhay dahil sa isyu ng Bangsamoro Basic Law.
Inirekomenda ng nasabing ahensya ng pamahalaan na dagdagan ni Cayetano ang kanyang security.
Dahil sa nabunyag na banta sa kanyang buhay maapektuhan na rin ang pagbiyahe niya sa ilang lugar sa bansa.
Hinala ni Cayetano bunga ito ng kumalat na impormasyon sa Marawi City at Central Lunzon na anti-muslim siya.
Sa kabila nito naniniwala pa rin si Cayetano na hindi naalis ang tiwala sa kanya ng muslim community sa Taguig.
Kahit may banta sa buhay, hindi umano titigil ang senador na isulong ang dapat na maging peace process sa Mindanao. ( Bryan de Paz/ UNTV News Senior Correspondent )
Pabor ang mayorya ng mga senador na magusap sina Senador Koko Pimentel at Senador Alan Peter Cayetano kaugnay sa Senate leadership.
Ayon kay Senator-elect Juan Miguel Zubirri magpupulong ang dalawang senador upang maayos na ang nasabing isyu.
Para kay zubirri dapat magkasundo ang dalawang senador na sumusuporta sa legislative agenda at kaalyado ni incoming President Rodrigo Duterte.
Kinumpirma rin ni Senator-elect Joel Villanueva ang meeting na gagawin nina Pimentel at Cayetano.
Una nang sinabi ni Senador Pimentel na may labing pitong senador na ang nagpakita ng suporta sa kanya bilang susunod na Senate president.
Ayon naman sa ilang senador wala pa silang pinal na decision kung sino ang susuportahan.
(Bryan De Paz / UNTV Correspondent)
Tags: Senador Alan Peter Cayetano, Senador Koko Pimentel, Senate Presidency
Muling nagpahayag ng pagtutol ang Zamboanga City Government na mapasama sa isinusulong na Bangsamoro political entity.
Kasabay ito sa isinagawang Senate Committee on Local Government public hearing kaugnay ng Senate Bill number 2408 o ang Bangsamoro Basic Law sa siyudad ngayong araw.
Ito na ang ikalawang pagkakataon na nagsagawa ng pagdinig tungkol sa proposed sa Zamboanga mula na suspendihin ito dahil sa Mamasapano encounter.
Pinangunahan ang public hearing ni Senador Bongbong Marcos, Chairman ng komite, kasama sina Senador Alan Peter Cayetano, Zamboanga City 1st Congressman Celso Lobregat at ilang lokal na opisyal mula sa ibat-ibang lugar sa Mindanao.
Hindi naman nakarating ang MNLF na una ng nagbigay ng position paper.
Sa pangunguna ni Mayor Beng Climaco, at ang ilang lokal na opisyal, sa harap ng komite nilinaw ng Zamboanga City ang kanilang paninindigan na huwag isama ang kanilang lugar sa proposed BBL.(Dante Amento /UNTV News)
Tags: Mayor Beng Climaco, MNLF, Senador Alan Peter Cayetano, Senador Bongbong Marcos, Zamboanga City 1st Congressman Celso Lobregat
