Sen. Antonio Trillanes, mananatili sa kustodiya ng Senado

by Radyo La Verdad | September 4, 2018 (Tuesday) | 7970

Mananatili sa kustodiya ng Senado si Senator Antonio Trillanes IV, kasunod ng utos na arestuhin ito.

Nanindigan si Senate President Vicente “Tito” Sotto III na hindi pwedeng arestuhin ng PNP-CIDG si Trillanes habang nasa loob ito ng Senado.

Maghahain naman ng petisyon sa Korte Suprema si Trillanes upang kuwestiyonin ang pagpapawalang-bisa sa amnestiya na ibinigay sa kanya ng nakaraang administrasyon.

Sa bisa ng Proclamation Number 572 na nilagdaan ni Pangulong Rodrigo Duterte, ipinawalang-bisa ang amnestiya kay Trillanes dahil hindi ito nakasunod sa requirements, kabilang na ang pag-amin sa kanyang kasalanang nagawa noong 2003 Oakwood mutiny at 2007 Manila Peninsula siege.

Tags: , ,