Ipatatawag sa Huwebes ng Senate Committee on Public Services ang mga opisyal ng LTFRB. Kasama ang mga kinatawan ng uber grab at u-hop kaugnay sa gagawing imbestigasyon hinggil sa sistema ng operasyon ng mga Transport Network Company.
Kasama rin sa mga imbitado sa pagdinig ang Commuters Safety Group, ilang mga transport expert at grupo ng mga TNVS drivers.
Inaasahang tatalakayin sa naturang pagdinig ang isyung kinakaharap ng libo-libong mga TNVS driver na bumibyahe nang walang prangkisa. Sa pananaw ng National Center for Commuters Safety and Protection Group, nararapat lamang na masaklaw ng batas ang mga TNC para na rin sa kapakanan ng kanilang mga pasahero.
Sang-ayon din ang grupo sa hakbang ng LTFRB na maiayos at malagyan ng maayos na regulasyon at mga patakaran ang operasyon ng mga tnc, upang maging patas sa iba pang mga pampublikong sasayan.
Sa ngayon, patuloy ang ginagawang mga pag-uusap ng LTFRB at mga TNC upang maiayos ang kanilang sistema at maresobla ang isyu ng nakabinbing mga prangkisa at accreditation.
(Joan Nano / UNTV Correspondent)
Tags: LTFRB, Senado, UBER at GRAB
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
