Dinismiss ng Senate Electoral Tribunal ang quo warranto petition na inihain ni Rizalito David laban kay Sen. Grace Poe sa botong 5-4.
Kabilang sa mga bumoto, pabor kay Poe ay sina Senators Tito Sotto, Loren Legarda, Bam Aquino, Cynthia Villar at Pia Cayetano.
Habang kontra naman sina Senator Nancy Binay, Supreme Court Associate Justices Antonio Carpio, Arthuro Brion at Teresita de Castro.
Ang kasong ito na inihain ni Rizalito David ay humihiling na alisin bilang senador si Poe.
“It was a vote of 5 to 4. 5 dismissing the petition of Mr. David and 4 concurring with the petition of Mr. David in short 5 voted to uphold the natural born citizenship of Sen.Mary Grace Poe Llamanzares and 4 decided against that.” pahayag ni Senador Loren Legarda.
Tags: Sen. Grace Poe
SENATE, Philippines – Muling nagpahayag ng suporta ang ilang Senador sa liderato ni Senate President Vicente Sotto III. Ito ay sa gitna ng paglutang ng pagpasok ng bagong grupo na Hugpong ng Pagbabago Bloc sa 18th Congress kung saan may isyu na sigalot sa mga mamumuno sa mga Komite.
Ayon kay Senator Grace Poe, sakaling ipilit ang pagpapalit ng liderato ng Senado ay posibleng magdulot ito ng paglakas ng oposisyon.
Sinabi pa ni Poe na maging siya ay handang sumama kay Senator Sotto sa minorya.
“Sa tingin ko kapag pinalitan nila si Senator Sotto may banta talaga na may mga iba talaga na hindi sasanib sa mayorya ewan ko kung mas dadami pero masasabi ko, mas lalakas kung lumipat si Tito Sen sa minority,” ani Senator Grace Poe.
(Nel Maribojoc | UNTV News)
Tags: opposition bloc, Sen. Grace Poe, Senate
Nagbabala si Senate Committee on Public Services chair Senator Grace Poe sa mga opisyal ng Department of Transportation (DOTr) na posible nilang ipitin ang kanilang panukalang 2019 budget.
Ito’y kung hindi maipaliliwanag ng ahensya sa Senado ang mga isyu at reklamo kaugnay sa isinusulong na jeepney modernization program ng pamahalaan.
Kabilang sa mga isyung kwestyonable para sa senadora ang 80,000 piso na subsidiya kada driver na ayon sa kanya ay lubhang maliit upang makabili ang mga ito ng modernong jeepney unit.
Ipinagtataka rin ng mambabatas kung bakit 75 porsyento pa ng mga jeepney driver sa bansa ang hindi pa rin nakatatanggap ng fuel voucher.
Sa isang transpo summit na isinagawa kahapon sa National Press Club sa Intramuros, Manila na pinangunahan ng grupong Piston, muling ipinahayag ng daan-daang nga jeepney driver at operator ang kanilang pagtuligsa sa jeepney modernization program.
Nilinaw ng grupo na suportado nila ang panukalang pagbabago sa public transportation.
Subalit hindi ang kasalukuyang bersyon ng pamahalaan na ang malalaking car manufaturers lamang anila ang makikinabang.
Ipinagpapasalamat ng mga ito ang suportang ipinakita ni Senator Poe sa kanilang ipinaglalaban.
Nais ng Piston na maimbestigahan din sa Senado ang anila’y kwestionableng probisyon ng Omnibus Franchising Guidelines na sinasabing pumupwersa sa maliit na operator na bumili ng mga bagong unit ng jeep.
Dati nang sinabi ng LTFRB na isinusulong nila ang pagpapalit ng nga bagong jeep upang maiwasan na ang mga aksidente.
( Joan Nano / UNTV Correspondent )
Tags: DOTr, PUV modernization, Sen. Grace Poe
Nagharap ang mga lider ng ilang transport group at mga opisyal ng Department of Transportation sa pagdinig sa Senado kahapon kaugnay ng jeepney modernization program ng pamahalaan.
Dito muling inihayag ng mga transport group ang kanilang hinaing tungkol sa planong phaseout ng mga lumang jeep. Karamihan anila sa kanilang mga tsuper ay nababahala na mawalan na ng pagkakakitaan oras na magsimula ito.
Ipinaliwanag naman ni Transportation Secretary Arthur Tugade na ang programang ito ay dumaan sa maraming konsultasyon.
Hindi rin aniya maaaring idahilan na masyadong mahal ang halaga ng modernong jeep, dahil hindi lamang 1.5 million pesos ang halaga nito dahil meron ding tig-800 thousand pesos nito.
Huwag rin dapat panghinayangan ang gagastusin dito kumpara naman sa return of investment na maaarinng kitain ng isang driver. Ngunit bukas umano sila na isaalang alang ang hinaing ng mga stakeholder sa programang ito.
Apela ni Senator Poe na kung maaari ay payagan pang bumiyahe ang mga jeep na papasa naman sa safety standards. Pakiusap pa ng senador, hayaan munang makapag-adjust ang transport sector sa programang ito bago gawing mandatory o full blast.
( Nel Maribojoc / UNTV Correspondent )
Tags: implementasyon, jeepney modernization program, Sen. Grace Poe
