Personal na nagtungo sa Makati City Regional Trial Court 142 si Senator Antonio Trillanes IV upang ihain ang sampung libong pisong piyansa kaugnay sa kasong libelo na isinampa ni dating Makati Mayor Junjun Binay.

Matatandaan na inilabas ng Makati RTC ang arrest order laban sa senador noong Enero a-29 kung saan kasalukuyang nasa Estados Unidos si Trillanes.

Sinampahan ng kasong libelo ni Mayor Junjun Binay ang senador matapos aniyang akusahan ni Trillanes na sinuhulan ng mga Binay ang mga justices ng Court of Appeals 6th Division nang maisyuhan ang dating alkalde ng writ of preliminary injunction laban sa suspension order na inilabas ng Ombudsman kay Mayor Junjun Binay kaugnay sa pagkakadawit nito sa umanoy anomalya sa pagpapatayo sa Makati City Hall 2 parking building.

(Meryll Lopez / UNTV Radio Reporter)

Tags: libelo, Makati Regional Trial Court, Senator Antonio Trillanes IV