Kasalukuyang nasa Intensive Care Unit ng Makati Medical Center si Senator Miriam Santiago matapos itong isugod sa hospital noong Lunes ayon sa kanyang asawang si Jun Santiago.
Ayon kay Jun, hindi tumatanggap ng bisita, bulaklak at iba pang regalo ang senadora bunsod Ng kasalukuyang kondisyon.
Ayon sa kanyang asawa, Martes ng gabi nang inilipat ang senadora sa ICU mula sa kanyang private room.
Nagpaabot naman ng pasasalamat ang senadora sa kaniyang pamilya, mga kaibigan at mga taga-suporta sa patuloy na pananalangin at paghiling na bumuti ang kanyang kondisyon.
Sa isang liham na ipinaabot kamakailan ni Senator Miriam sa opisina ng Senate President na kanyang tatapusin ang kanyang termino sa June 30 habang naka-medical leave dahil sya aniya ay nakakaranas ng Anorexia kung saan nanghihina ang senadora dahil sa epekto ng kanyang medikasyon.
Sa kabila ng kondisyon ni Santiago ay tumakbo pa rin ito sa pagka-pangulo ngunit natalo ni President-elect Rodrigo Duterte.
(Meryll Lopez / UNTV Radio Correspondent)
Tags: Intensive Care Unit, Makati Medical Center, Senator Miriam Santiago
