METRO MANILA – Inanunsyo na ng Manila Electric Company (MERALCO) ang dagdag singil sa kuryente ngayong buwan ng Mayo.
Magkakaroon ng dagdag-singil na P0.1761\kwh ngayong buwan ng Mayo.
Ibig sabihin sa pamilyang kumokonsumo ng 200 kwh, magkakaroon ng dagdag-singil na P35.
Ayon kay MERALCO Spokesperson Joe Zaldarriaga, ang dagdag singil sa kuryente ay bunga ng pagtaas sa generation charge na naging epekto naman ng mataas na singil sa Wholesale Electricity Spot Market (WESM) at Power Supply Agreement (PSA).
Posible ring tumaas pa sa susunod na buwan ang singil ng kuryente dahil sa mataas na konsumo mula Marso hanggang Hunyo.
(Bernadette Tinoy | UNTV News)
Tags: Meralco
METRO MANILA – Binawi ng Meralco ang nauna nitong anunsyo na nasa P0.64 kada kilowatt-hour na dagdag-singil sa kuryente ngayong Hunyo.
Sa official statement ng Meralco ay inihayag nito na magpapatupad ang power distributor ng P1.96 o halos P2 kada kilowatt-hour na bawas-presyo, ngayong buwan.
Katumbas ito ng P392 na kabawasan sa bill ng kuryente para sa mga typical residential customer ng Meralco na kumukonsumo ng 200-kilowatt hour.
P589 naman ang mababawas kung 300-kilowatt hour ang konsumo, P785 sa 400-kilowatt hour, habang P981 naman sa 500-kilowatt hour consumption.
Ayon sa Meralco, bunsod ito ng pagapatupad ng utay-utay na singil sa generation costs mula sa wholesale electricity spot market (WESM).
Alinsunod ito sa kakalabas lang na utos ng Energy Regulatory Commission (ERC) sa lahat ng power distributors na gawing staggered collection sa WESM purchases kabilang na ang supply na binili para sa buwan ng Mayo.
Hahatiin ito sa 4 na buwang installment simula ngayong buwan hanggang September 2024 bill kaya asahan ang mataas na generation charge sa mga susunod na buwan ayon sa Meralco.
Tags: Meralco
METRO MANILA – Inanunsyo ng Manila Electric Company (MERALCO) na magpapatupad ito ng dagdag-singil sa kuryente ngayong Hunyo.
Inaasahang magkakaroon ng increase na P0.64 kada kilowatt-hour ang muling sa kabuuang power rate ng Meralco.
Ayon sa Meralco, bunsod ito ng pagtaas ng generation charge ngayong buwan, pagbaba ng halaga ng P1 kontra dolyar, at iba pang mga adjustment.
Kabilang na rito ang utay-utaying dagdag-singil sa generation cost sa mga nagdaang buwan bunsod ng manipis na supply ng kuryente sa Luzon grid kasabay ng mataas na pangangailangan dahil sa mainit na panahon.
Tags: Meralco, price hike
METRO MANILA – Pinag-iingat ngayon ng Meralco ang kanilang mga customer laban sa mga scammer na gumagamit ng fake email at nagpapanggap na kanilang empleyado.
Paalala ng Meralco, huwag mag-reply o mag-engage sa nasabing email, at iginiit na ang pagbabayad ng bills ay ginagawa lamang sa kanilang official payment channels.
Para sa karagdagang mga impormasyon, i-follow lamang ang official social media accounts ng Meralco, gayundin ang kanilang website at Meralco mobile app.
Tags: Fake Email, Meralco
