Suplay ng tubig sa Mandaluyong at Pasig, naibalik na ng Manila Water

by Radyo La Verdad | March 18, 2019 (Monday) | 700

METRO MANILA, Philippines – Matapos ang halos walong araw na kalbaryo sa kawalan ng tubig, naibalik na ng Manila Water noong Biyernes sa kanilang mga customer ang suplay sa Mandaluyong at Pasig City.

Bagaman limitado at mahina parin ang daloy ng tubig, malaking tulong na rin para sa mga residente na kahit paano ay makapagiimbak sila upang may magamit.

“Medyo may kahinaan, mapalad na rin, malaking tulong na rin, at kahit mahina,” sabi ni Brgy. Barangka Drive Mandaluyong OIC Mike Santos

Bagaman mayroon na muling suplay ng tubig ayon sa Manila Water tuloy pa rin ang pagpapatupad nila ng rotational water service interruption sa ilang mga lugar upang masustinehan ang suplay hanggang sa susunod pang mga araw. Ito’y upang maiwasan na maulit pa ang krisis sa tubig ng kanilang mga customer.

Sa ngayon, mayroong suplay ng tubig ang mga taga Mandaluyong tuwing alas singko ng umaga hanggang alas sais ng gabi. Subalit mawawalan ng tubig simula alas siete ng gabi hanggang alas kwatro ng madaling araw. Habang ang Pasig City ay makararanas pa rin ng water service interruption ng mahigit sa labing walong oras.

“Ay wala naman pong problema basta sa umaga magkaroon lang kahit sa gabi patayin na nila, okay lang naka-ipon na kami,” Perlas Silvestre, residente

Sa huling pahayag na inilabas ng Manila Water, sinabi nito na unti-unti nang tumataas ang lebel ng tubig sa kanilang imbakan kaya’t kahit paano ay mayroon na silang maisu-suplay sa kanilang mga customer.

Sisikapin rin umano nila na maibalik sa normal ang pressure ng tubig sa mga susunod na araw. Binawi rin nila ang naunang pahayag na posibleng tumagal sa buong panahon ng taginit ang 20-oras na water service interruption.

Sinimulan na rin umano ng Manila Water na patakbuhin ang Cardona Water Treatment Plant sa Rizal na kayang makapag suplay ng 22 hanggang 50 milyong litro ng tubig kada araw.

Posible na rin anilang simulan sa susunod na buwan na iactivate ang kanilang mga deepwell upang masapatan ang pangangailangan sa tubig ng kanilang mga customer ngayong panahon ng taginit.

(Joan Nano | UNTV News)

Tags: , ,




20 Barangay, hindi sisingilin ng Manila Water ng konsumo sa tubig ngayong Abril

by Radyo La Verdad | April 5, 2019 (Friday) | 415

METRO MANILA, Philippines – Tinukoy na ng Manila Water ang 20  Barangay na lubhang naapektuhan ng krisis sa tubig nitong nakaraang buwan.

Ang residente sa mga lugar na ito ay hindi pagbabayarin ng Manila Water sa kanilang konsumo sa tubig noong nakaraang buwan.

Ang mga Barangay na kasama sa one time bill waiver ng Manila Water ay mula sa Mandaluyong City, Pasig, San Juan, Taguig at Binangonan Rizal.

Kaugay nito, nagrereklamo naman ang ilang mga residente ng Muzon, Taytay,  Rizal dahil hindi sila nakasama sa listahan gayong labis rin ang perwisyo sa kanila ng nangyaring krisis sa tubig.

Nilinaw naman ng tagapagsalita ng Manila Water na si Jeric Sevilla na 45 Barangay ang naitalang nakaranas ng matinding epekto ng water shortage pero patuloy pa ang validation sa dalawampu’t limang lugar. Pero hindi lahat aniya ng residente sa mga naturang barangay ay wala ng babayarang bill sa tubig.

“Meron kasing mga barangay na portions lang nung barangay ang talagang nawalan ng tubig ng ganun kahaba 7 days or more. We are very cautious in terms of really identifying kung sinu-sino yung mga affected na yun meron tayong sariling record alam natin kung yung mga area na talagang walang tubig but we needed to validate this sa field,” ani Jeric Sevilla ang Spokesperson ng Manila Water

Ayon sa Manila Water, sa ngayon ay 98 percent na ng kanilang mga customer ang may suplay ng tubig sa loob ng walo hanggang labing dalawang oras.

Nararanasan pa rin anila ang mahinang pressure kung kaya’t hirap pa rin na makaabot ang tubig sa matataas na lugar.

Target ng Manila Water na maibalik ang normal na suplay ng tubig sa katapusan ng Mayo.

(Joan Nano | UNTV News)

Tags: , ,




Sapat na suplay ng kuryente sa buong panahon ng tag-init, tiniyak ng Meralco

by Radyo La Verdad | March 21, 2019 (Thursday) | 1902

METRO MANILA, Philippines – Tiniyak ng Manila Electric Company o Meralco na mayroong silang sapat na suplay ng kuryente para sa mga customer sa buong panahon ng tag-init.

Ginawa ng utility company ang pahayag sa gitna ng sunod-sunod na abiso ng power interruption na mararanasan ng kanilang mga costumer.

Ayon sa Meralco regular maintenance lamang ang dahilan ng mga naka-schedule na brownout at wala itong kinalaman sa kakulangan ng suplay ng kuryente.

Regular umano nila itong ginagawa upang maisaayos ang mga distribution facilities, pati na ang pagkukumpuni sa mga sirang poste at pagpapalit ng mga depektibong kawad ng kuryente.

Tags: , , ,




Naperwisyo ng Manila Water, pinag-aaralang mabigyan ng refund

by Radyo La Verdad | March 19, 2019 (Tuesday) | 1015

METRO MANILA, Philippines – Inako ni Manila Water President Ferdinand Dela Cruz ang lahat ng responsibilidad sa nangyaring water shortage.

Gayunman, itinanggi nito na nagkaroon ng conspiracy o pakana ng ilang sektor ang hindi inaasahang pagbagsak ng water level sa kanilang mga customer upang matuloy ang konstruksyon ng Kaliwa Dam.

“Whatever the accountability for this issue takes me as president of Manila Water, I am willing to take that accountability,” sabi ni Ferdinand Dela Cruz Manila Water, President.

Samantala, pag-aaralan naman ng Metropolitan Waterworks and Sewerage System (MWSS) ang nais ng mga mambabatas na mabigyan ng rebate o refund ang mga customer ng Manila Water na naperwisyo ng water service interruptions.

Tags: , , ,




More News