Surigao Del Sur, planong magdeklara ng State of Calamity kasunod ng 7.4 magnitude na lindol

by Radyo La Verdad | December 5, 2023 (Tuesday) | 5764

METRO MANILA – Posibleng magdeklara ng state of calamity ang probinsya ng Surigao Del Sur, kasunod ng 7.4 magnitude na lindol na tumama sa lalawigan noong Sabado (December 2) ng gabi.

Sa ngayon ay patuloy na nararamdaman ang malalakas na aftershocks sa probinsya.

Batay sa report ng Philippine Institute of Volcanology and Seismology (PHIVOLCS), halos 2,000 aftershocks pa ang naitala sa lugar hanggang kahapon (December 4).

Mayroong itong lakas na umaabot sa 1.4 hanggang 6.6 magnitude, kung saan 19 sa mga ito ang naramdaman.

Sa datos ng Provincial Disaster Risk Reduction and Management Office (PDRRMO), aabot na sa mahigit P58-M ang halaga ng pinsalang idinulot ng lindol.

Base sa naunang report, 2 ang naitalang nasawi, habang mahigit sa 57,000 mga pamilya ang naapektuhan ng kalamidad.

Kahapon (December 4), nagsimula na ang ang pamamahagi ng food packs ng Department of Social Welfare and Development (DSWD).

Tags: , ,

Targeted subsidy para sa agricultural sector, planong ibigay ng PH gov’t – NEDA Exec.

by Radyo La Verdad | February 12, 2024 (Monday) | 1063

METRO MANILA – Inihayag ng isang opisyal ng National Economic and Development Authority (NEDA) ang plano ng pamahalaan na magbigay ng targeted subsidy para sa agricultural sector ng bansa.

Ayon kay NEDA Undersecretary Rosemarie Edillon, ang nasabing subsidiya ay maaaring targeted subsidy sa mga farmer partikular na sa kanilang production, para sa kanilang ginagamit na fuel, fertilizer at mechanization.

Bukod sa mga magsasaka, sinabi rin ng opisyal na iniisip din ng pamahalaan na magbigay ng tulong sa mga mamimili na nasa lower income classes sa pamamagitan ng food stamps mula sa Department of Social Welfare and Development (DSWD).

Tags: ,

P1-K monthly pension para sa indigent na Senior Citizens sisimulan na sa Pebrero

by Radyo La Verdad | January 23, 2024 (Tuesday) | 2487

METRO MANILA – Sisimulan na sa Pebrero ng Department of Social Welfare and Development (DSWD) ang pamimigay ng P1,000 buwanang pension sa mga indigent senior citizen.

Ayon kay DSWD Spokesperson Assistant Secretary Romel Lopez, bahagi ito ng implementasyon ng Republic Act 11916 o ang batas na nagtatakda ng karagdagang social pension sa mga mahihirap na nakatatanda.

Mula sa dating P500, magiging P1,000 na ang buwanang pension ng mga ito upang makaagapay sa epekto ng mataas na inflation sa bansa.

Sa pagtaya ng DSWD aabot sa mahigit 4 na milyong senior citizens ang makikinabang sa dagdag pension ngayong taon.

Tags: , ,

DSWD nilinaw na fake news ang kumakalat na questionnaire kapalit ang regalo

by Radyo La Verdad | December 29, 2023 (Friday) | 4551

METRO MANILA – Nilinaw ng Department of Social Welfare and Development (DSWD) na hindi totoo ang kumakalat na link hinggil sa umano’y new year’s gift na ipamimigay ng ahensya kapalit ang pagsagot sa isang survey questionnaire.

Payo ng DSWD sa publiko, mag-ingat sa mga manloloko, at huwag basta maniniwala sa mga post o link na hindi galing sa official page ng ahensya.

Para sa kumpletong listahan ng official social media accounts ng dswd bisitahin lamang ang kanilang facebook page.

Tags: ,

More News