MANILA, Philippines – Pansamantala munang pinigil ng Land Transportation Franchising and Regulatory Board (LTFRB) ang implementasyon kaugnay sa pagbabawal sa mga UV Express van na magbaba at magsakay ng mga pasahero sa labas ng kanilang mga terminal.
Sa abiso ng Department of Transportation (DOTr), kinumpira ng ahensya na pansamantalang suspendido muna sa loob ng 2 linggo ang implementasyon ng bagong regulasyon, upang bigyang daan ang gagawing konsultasyon sa mga grupong apektado nito.
Nauna nang tinutulan ng ilang transport group at mga pasahero ang hakbang na ito ng LTFRB na anila’y magpapahirap sa mga pasahero.
Reklamo ng mga driver,maraming mga pasahero ang posibleng hindi na sumakay sa mga UV Express upang hindi na mapalayo sa kanilang destinasyon.
Habang ang mga pasahero naman, umaangal rin dahil mado-doble anila ang kanilang pamasahe at lalo pang hihirap ang kanilang pagko-commute.
Samantala muli naman ipapatawag ng LTFRB ang ilang mga transport groups at commuters welfare group upang pakinggang ang kanilang panig ukol sa polisiyang ito.
Nauna nang hiniling ng ibang grupo ang pagtatalaga ng mga loading at unloading zones para sa UV Express upang hindi na mahirapan ang mga pasahero.
Nakatakdang magpalabas ng panibagong advisory ang LTFRB kaugnay sa magiging resulta ng gagawing konsultasyon.
(Joan Nano | Untv News)
Tags: DOTr, LTFRB, UV Express
METRO MANILA – Inanunsyo ng Land Transportation Franchising and Regulatory Board (LTFRB) na wala nang extension sa provisional authority to operate ng mga jeep na hindi nakapasok sa franchise consolidation.
Binigyang-diin ni LTFRB Chairperson Teofilo Guadiz III na hindi na nila nais pag-aralan pa ang nasabing request ng ibang mga driver at operator dahil nakatuon na sila ngayon sa implementasyon ng modernization program.
Sinimulan na ng ahensya ang crackdown sa mga colorum na jeep gamit ang ibang pamamaraan dahil wala pang available na guidelines para sa on the ground apprehension ng unconsolidated jeepneys.
Wala pang approval ng Department of Transportation (DOTr) ang dapat gawin ukol dito.
Kailangan namang magpakita ng papeles ng isang jeep na mahuhuling hindi rehistrado para mapatunayan na sila ay nakapag-consolidate kapag tinubos na nila ito.
METRO MANILA – Inisyuhan na ng show cause order ng Land Transportation Franchising and Regulatory Board (LTFRB) ang operator ng jeep na nag body shame sa isang pasahero noong June 7.
Ipinatatawag ng LTFRB ang may-ari ng jeep na sangkot sa insidente at pinadadalo sa isang pagdinig na gaganapin sa Biyernes ng alas dos y medya ng hapon.
Nag-ugat ang isyu mula sa post ng pasaherong si Joysh Gutierrez.
Kwento nito, pinababa siya ng driver ng jeep na kaniyang nasakyan, dahil umano sa pagiging mataba ng kaniyang pangangatawan.
Kinunan niya ito ng video, at dumulog sa kinauukulan upang ireklamo ang pangbabastos at pamamahiya sa kaniya ng driver.
Muli namang ipinaalala ng LTFRB na hindi maaaring mamimili ng pasahero ang mga driver ng mga pampublikong sasakyan, at lalo’t higit na ipinababawal ang pagtanggi sa ang mga ito dahil lamang sa kanilang timbang.
Tags: LTFRB
METRO MANILA – Hinimok ng ilang mga Kongresista ang Land Transportation Franchising and Regulatory Board (LTFRB) at Department of Transportation (DOTr) na payagang makabyahe ang mga unconsolidated jeepney kahit natapos na ang deadline ng franchise consolidation.
Nanawagan sila na huwag gawing sapilitan ang franchise consolidation.
Ayon naman kay LTFRB Chairman Teofilo Guadiz III, pag-aaralan nila ang swestyon ni Rizal 3rd District Representative Jose Arturo Garcia Jr. na payagan na lang muna ang mga ayaw talagang magpa-consolidate.
