Naitala ngayong 2017 ang pinakamataas na tourists arrival sa bansang France sa kabila ng ilang pag-atake ng mga terorista mula pa noong nakaraang taon, tumaas ang tourist arrivals sa bansa ngayong 2017 sa 89 million.
Ayon sa pamahalaan, ito na ang pinaka-mataas na bilang ng international visitors na bumisita matapos ang dalawang taon ng mga terror attacks simula Nobyembre 2015 na umabot sa 85 milyong arrivals at taong 2016 na 83 million lamang.
Sa kabila ng achievement na ito, ayon sa tourism ministry ng bansa ay lalo pa nitong palalakasin ang turismo sa pamamagitan ng pagpo-promote ng magagandang atraksyon upang maabot ang 100 million tourist arrival sa taong 2020. Ayon sa Regional Council of Tourism of Ile de France, sa Paris ay may bilang na 28.2 milyon ang nagcheck-in sa hotels na karamihan ay mga turistang American at Japanese.
Ang top 3 most visited tourist spot ay Musée du Louvre, Château de Versailles at Eiffel Tower.
( Jhun Garin / UNTV Correspondent )
Tags: France, terorista, tourists arrivals
Nahuli ang 2 kasapi ng Communist Party of the Philippines -New Peoples Army (CPP-NPA) na parehong mga iskolar ng Mindanao Interfaith Services Foundation Incorporated (MISFI) at part-time teachers din ng HARAN, matapos ang isang sagupaan sa pagitan ng militar at mga terorista sa Davao City.
Nangyari ang bakbakan noong Nobyembre 14, 2020 sa Sitio Quibilog, Brgy Mapula, Paquibato District, Davao City alas-10 ng umaga.
Kinilala ang mga nahuli na sina Nasria Bansil alias ASH, babae, 22 taong gulang, isang Squad Medic at si Geliejorain Ngojo alias MAYO, lalake, 21 taong gulang na isa namang Supply Officer ng grupo.
Ibinunyag ng 2 na nakakaranas ng malubhang krisis ang kanilang grupo dahil sa walang humpay na operasyon ng militar sa pagtugis sa kanila.
Ayon pa kay alias MAYO, naranasan niyang mahimatay dahil sa hirap at gutom habang tumatakas sa mga tropa ng gobyerno, at 3 na din sa mga kasamahan nila ang nasugatan.
(Raymund David | La Verdad Correspondent)
Patay sa isinagawang surveillance operation ng PNP at AFP ang isang notorious sub leader ng Dawlah Islamiya terrorist group sa Barangay Saliao, Esperanza, Sultan Kudarat kahapon ng hapon (Nov. 4).
Kinilala ito na si Jazzer Nilong na sangkot sa pamboboma sa General Santos City at pagpatay kay police Cpt. Herman Gabat.
Ayon sa WestMinCom, agad nagpaputok ang bandido nang maramdaman nito ang presensya ng mga otoridad.
Tumagal ng 2 minuto ang bakbakan na nagresulta sa pagkamatay nito.
Nakuha sa lugar ang isang kalibre 45 na baril, 2 bomba at 2 sachet ng hinihinalang shabu.
Agad namang dinisarmahan ng exposive ordnance disposal team ang nasabing mga bomba.
(Mj Fiel | La Verdad Correspondent)
Tags: terorista
Sa 10th District ng Paris sa Rue de Paradis ay mag-eeksperimento ng “zero waste” at magiging kauna-unahang zero waste-street sa Paris.
Ang proyektong ito ay mag-uumpisa sa ika-18 ng Disyembre 2018 at tatagal ng isang taon.
Mahigit anim na libo ang naninirahan sa kahabaan ng Rue de Paradis, lahat ay inuudyukan ng 10th District City Council, maging ang mga empleyado, small businesses at maging ang mga estudyante sa paaralan na bawasan ang kanilang basura at maging madisiplina sa pagre-recycle.
Isang grupo ng asosasyon, ang “Zero Waste Paris” ang nagbigay kaalaman sa mga residente na nais magsanay sa ganitong uri ng pamumuhay.
Dito ipinakita ng grupo kung ano ang mga alternatibong gagamitin sa kanilang pang araw-araw na hindi makaka-apekto sa kalusugan at kalikasan, recycling at decomposing.
Ayon sa residente ng Rue de Paradis, ilang araw pa lamang nag-uumpisa ng zero waste lifestyle, aniya ay hindi ito madali pero unti-unti niya itong ginagawa para sa susunod na hererasyon.
Ang proyektong ito ay isa sa climate plan na hakbang ng Paris City Council dahil sa lumalalang climate change at ayon sa deputy mayor ng 10th District ay mas makakamura at abot-kaya ng bulsa ang pagiging zero waste.
Ang paggamit ng plastik at papel araw-araw, kung walang maayos na recycle ay nagiging dahilan ng ecosystem pollution, pagtaas ng carbon dioxide level sa atmosphere, climate change, pagkalason ng marine life at kinalaunan ay paglaho o extinction ng mga partikular na uri ng halaman at hayop.
Dagdag pa nito, malaki ang magagawa ng bawat indibidwal sa kanilang pang araw-araw na pamumuhay upang mapabuti ang kalagayan ng mundo.
( Jhun Garin / UNTV Correspondent )
Tags: France, Rue de Paradis, waste-street
