Isasapubliko na sa susunod linggo ng Senate Committee on Public Order and Dangerous Drugs ang ulat hinggil sa engkwentro sa mamasapano, maguindanao noong Enero 25.
Ayon kay Sen. Grace Poe, chairperson ng naturang komite, ibinatay ang ulat sa limang public hearing, limang executive session, 73 diskusyong dinaluhan ng 37 resource persons, mga ahensya at mahigit 4,300 pahina ng mga dokumento.
Sinabi pa ng senadora na wala anya silang sisinuhin sa ilalabas na rekomendasyon hinggil sa mga dapat na managot.
Matatandaan na naging kontrobersyal ang engkwentro dahil bukod sa umiiral na peace talks sa pagitan ng pamahalaan at Moro Islamic Liberation Front (MILF), isyu rin ang kawalan umano ng koordinasyon ng PNP-Special Action Force (SAF) sa mga kinauukulan at pagkakadawit ng noo’y suspendidong hepe ng PNP na si Gen. Alan Purisima maging ni Pangulong Noynoy Aquino.
Tags: Alan Purisima, Mamasapano, MILF, Pangulong Aquino, Pnoy, PNP-SAF, Sen. Grace Poe, Senate
METRO MANILA – Magsasagawa ang Senado ng isang executive session sa June 5 para talakayin ang isyu patungkol kay Bamban Tarlac Mayor Alice Guo.
Ayon kay Senate Deputy Minority Leader Risa Hontiveros, nais nitong malaman kung totoo ang alegasyon na isang chinese national ang tunay na ina ng alkalde.
Batay aniya sa kanyang source, napag-alaman na ‘Winnie’ umano ang tawag sa sinasabing ina ni Mayor Guo.
Kasama rin sa tatalakayin sa executive session ang pagkakadawit ng alkalde sa Philippine Offshore Gaming Operators (POGO).
METRO MANILA – Nangunguna pa rin sa napupusuan na maging senatorial candidate para sa 2025 midterm elections si Dating Pangulong Rodrigo Duterte batay sa pinakahuling survey ng Tangere ngayong buwan.
Sa resulta ng mobile-based survey na isinagawa mula April 10 hangang 13,2024, nakakuha si Duterte ng 56.67% voter preference.
Pangatlong buwan na itong top spot ang dating punong ehekubito sa Tangere 2025 senate survey.
Sumunod naman sa senate poll sina ACT-CIS party-list representative Erwin Tulfo, Senator Bong Go, Former Senator Tito Sotto at ang broadcaster na si Ben Tulfo.
Pasok din sa top 10 sina Senators Pia Cayetano, Imee Marcos, Dating Manila Mayor Isko Moreno Domagoso at Dating Senador Manny Pacquiao.
Isinagawa ang 2025 senate survey sa pagkalap ng tugon sa 2,400 participants sa buong mundo sa pamamagitan ng isang mobile-based respondent application
METRO MANILA – Tiniyak ng Senado na tututukan nito ang pagtalakay at pagpasa sa panukalang buhayin ang mandatory Reserve Officers Training Corps (ROTC).
Ayon kay Senate President Juan Miguel Migz Zubiri, kailangang mabigyan ng pagkakataon ang panukalang batas.
Dagdag nito, hindi na lang aniya sesentro ang bagong mandatory ROTC sa nakagawiang basic military training.
Naka session break ngayon ang Senado at nakatakdang bumalik sa April 29 at isasalang na sa debate sa plenaryo ang panukala sa susunod na buwan.
