Muling nagkaaberya ang biyahe ng Metro Rail Transit o MRT kaninang alas sais ng umaga sa bahagi ng Northbound lane ng Santolan Station.

Ayon kay DOTr Under Secretary for Railways Cesar Chavez, pansamantalang pinahinto ang biyahe ng tren dahil nagkaroon ng maliit na sunog sa ilalim ng isa sa mga upuan nito. Kinailangang pababain ang mga pasahero sa tren at saka inapula ang apoy.

Matapos nito ay agad ring dinala ang tren sa depot para ayusin. Wala namang napaulat na nasaktan sa insidente.

Tags: MRT, Santolan Station, upuan ng tren