Halos apat na taon pa lamang mula nang sumahimpapawid ang FM station na Wish 107.5. Pero nakilala na ito dahil sa mga natatanging ideya at mga inobasyon nito.
Tulad ng kaisa-isang Wish bus na handog ay free mini-concert saan man pumaroon. Ito rin ay kilala sa pagiging FM station with a heart dahil sa pag-grant ng wishes ng kanilang mga tagapakinig.
Gayundin ang Wish Awards na kumikilala sa talento ng mga Filipino artist kasabay ng pagbibigay ng tulong sa kanilang mga chosen beneficiaries. Kaya naman maging sa mga kabataan ay winner ang Wish FM.
Kahapon ay itinanghal na “FM Station of the Year” ang Wish 107.5 sa Umalohokjuan Media Awards 2018.
Ito ang official award-giving body ng Lyceum of the Philippines University.
Ang Wish FM ay binigyan din ng special citation sa online category para sa youtube channel nito na mayroon nang 2.6 million subscribers at halos 1 billion views.
Sa youtube channel na ito, makikita ang mga patok na patok na Wishclusives ng mga kilala at up-and-coming singers at bands, local man o international.
( Leslie Longboen / UNTV Correspondent )
Tags: FM Station of the Year, Wish Awards, WISH FM
