Dalawang milyong pasasalamat ang hatid para sa dalawang milyong youtube subscribers ng no. 1 fm youtube channel sa bansa, ang WISH 107.5. Dahil dito, dalawang milyong saya ang aasahan sa special treat na inihanda ng fm station sa mga certified WISHers.
Bukod sa WISH granting, free musical entertainment din ang handog ng Wish FM kasama ang ilang hinahangaang OPM Artists at bands kabilang sina Jay-R, Luke Mejares, Chacha Cañete, Top Suzara, 5th Gen, Spongecola at marami pang iba. Ang Thanksgiving Bash ay isasagawa bukas sa Centris Open Grounds mula alas dos ng hapon.
Samantala, sa susunod na linggo ay magsisimula naman ang mini-concert na bahagi ng hometown tour ng mga finalist ng the biggest online singing competition, ang WISHcovery.
Sa Lunes, manghaharana sa kanyang mga kababayan ang pambato ng mga Caviteño, Hacel Bartolome. Sa Huwebes naman, Feb. 8, ay magbibigay ng musical entertainment si Carmela Ariola sa Batangas. Sa Feb. 12 ay masasaksihan naman ng live ng mga Bulakenyo ang performance ni Louie Anne Culala.
Samantala, aabangan naman sa entablado ng Camarines Norte ang teen WISHful na si Kimberly Baluzo sa Feb. 15.
Sa ngayon ay inaantabayanan pa ng sambayanan kung sino sa returning WISHfuls ang magwawagi sa wild card edition at makakasama ng WISHful 4 sa grand finals.
( Leslie Longboen / UNTV Correspondent )
Tags: 2M youtube subscriber-milestone, Thanksgiving Bash, WISH FM
