Ngayon pa lamang, secure na ang career ng WISHful 5 ng WISHcovery.
Noong Miyerkules, pumirma ng kontrata sina Carmela Ariola, Kimberly Baluzo, Hacel Bartolome, Louie Anne Culala at Princess Sevillena sa Breakthrough And Milestones Productions International o BMPI.
Kahapon, opisyal nang naging bahagi ang WISHful 5 ng Star Music family matapos ang isinagawang contract signing.
Ang Star Music ay ang record label na humahawak sa ilan sa mga sikat na OPM singers tulad nina Jed Madela, Erik Santos, Kyla, Yeng Constantino at marami pang iba.
Sa ngayon ay inihahanda na ng Star Music ang gagawing album para sa WISHful 5.
Mas marami namang proyekto sa pagtataguyod ng musikang Pilipino ang aasahan sa pasimula ng partnership ng Wish FM at Star Music.
( Leslie Longboen / UNTV Correspondent )
Tags: BMPI, Star Music, WISH FM
